१७ मंसिर ,एजेन्सी ।
डिसेम्बरको शुरुआत भइसकेको छ । यो महिनापछि अंग्रेजी नयाँ वर्षको आगमन हुँदैछ । मानिसहरु नयाँ वर्षलाई सेलिब्रेट गर्ने योजना बनाइरहेका छन् । यस्तोमा भविष्यवक्ताहरुले पनि नयाँ वर्षमा हुनसक्ने घटनाहरुका बारेमा पूर्वानुमान गर्दै भविष्यवाणीहरु गर्ने गरेका छन् ।
वर्षको अन्त्य हुनेबेलासम्म यीमध्ये केही भविष्यवाणीहरु गलत साबित हुन्छन् भने केही सही हुन्छन् । सन २०२५ लाई लिएर पनि भविष्यवक्ताहरुले आआफ्नो भविष्यवाणी गर्दै नयाँ वर्ष कस्तो हुने बताएका छन् । यस्तोमा विश्वभर नै चर्चित बाबा भेंगाको भविष्यवाणाी चर्चा योग्य हुने गरेका छन् ।
बाबा भेंगाद्वारा गरिएका केही भविष्यवाणीहरु भायरल पनि भइरहेका छन् । हुन त बाबा भेंगाको मृत्यु २८ वर्ष पहिला नै भइसकेको छ । तर उनी आफुले गरेको भविष्यवाणीलाई लिएर अहिले पनि चर्चामा रहन्छन् । सन २०२५ र यसपछिको समयलाई लिएर गरिएको केही भविष्यवाणीहरु डर बढाउने खालका छन् ।
बाबा भेंगाका अनुसार, सन २०२५ देखि विश्वयुद्ध शुरू हुनेछ । यस्तै पृथ्वीबाट मानवको अन्त्य र यूरोपमा मुस्लिमहरुको शासनको कुरा पनि उनले गरेका छन् । बाबा भेंगाद्वारा गरिएको भविष्यवाणीका अनुसार, रूसी राष्ट्रपति भ्लादिमीर पुटिन एक मजबूत विश्व नेताका रूपमा उदाउने छन् ।
साथै उनले भनेका छन् कि २०२५ मा तेस्रो विश्व युद्धको शुरुआत हुनेछ । यूरोपमा पनि ठूलो संघर्ष हुने छ, जसको चपेटामा विस्तारै विस्तारै सिंगो विश्व पर्नेछ । यसका कारणले मानव जातिको जुन विनाश शुरू हुनेछ, त्यो बढ्दै जानेछ । उनका अनुसार सन ५०७९ मा पृथ्वीबाट मानव जातिको पुरै अन्त्य हुनेछ ।
बाबा भेंगाले अर्को पनि भविष्यवाणी गरेका छन्, जसमा २०४३ मा यूरोपमा सम्पूर्णरुपले मुसलमानहरुको राज हुनेछ । र २०७६ मा साम्यवाद अर्थात कम्युनिस्ट विश्व स्तरमा फेरि अगाडी आउने छ । बाबा भेंगाको नोट्समा लेखिएका यी भविष्यवाणीहरुका बारेमा मानिसहरुले सोशल मीडियामा निकै चर्चा गरिरहेका छन् ।
बाबा भेंगाको जन्म १९११ मा भएको थियो । उनको असली नाम भेंगेलिया पांडेभा दिमित्रोभा थियो । उनको सानो उमेरमा नै आँखाको ज्योति गुमेको थियो । तर भविष्यका घटनाहरुका बारेमा भविष्यवाणी गर्ने अद्भुत शक्ति उनमा आएको कथन छ ।
विश्व भरमा हुने राजनीतिक परिवर्तन, प्राकृतिक विपतहरु, महामारी र कयौं अन्य कुराहरुका बारेमा वर्षौ पहिला एक नोटमा उनले लेखिसकेका छन् । जुन उनको भविष्यवाणीका अनुसार नै भइरहेको छ ।
बाबा भेंगाले दोस्रो विश्वयुद्ध, २००४ को सुनामी, सोभियत संघको विघटन, अमेरिकामा नाइन इलेभेन अट्याक, स्टालिनदेखि जार बोरिस थर्डको मृत्युको मितिको पनि उनले घोषणा गरेका थिए । यस्तोमा २०२५ पछि हुने घटनाहरुसंग जोडिएका बाबा भेंगाको भविष्यवाणीहरु त्रास बढाउने खालका छन् ।
भविष्यवाणी मनोविज्ञान हो मात्र एक अनुमान हो । त्यो सत्य नहुने पनि गर्दछ । तर विश्वका केही यस्ता ब्यक्तिहरु छन् जसको भविष्यवाणी विश्वभर चर्चाको विषय बन्न पुग्दछ । यस्तै भविष्यव्येता मध्येकी एक चर्चित हुन् बुल्गेरियाकी बाबा भेंगा । उनले २० औं शताब्दीमा धेरै भविष्यवाणी गरेकी थिइन । अनि उनका अनुयायीहरूले उनको भनाइ सत्य साबित भएको दाबी गर्छन्।
