विराटनगर, असोज १७
सुनसरीको धरान उप–महानगरपालिका–८ स्थित भोटेपुलबाट प्रहरीले मंगलबार लागु औषधसहित ३ जनालाई पक्राउ गरेको छ । मंगलबार दिउँसो भोटेपुलमा रोकि राखेको को १७ प २२३३ नम्बरको स्कुटर माथी शंका लागि चेकजाँच गर्ने क्रममा लागु औषधसहित धरान–८ का २५ वर्षिय सुजन मगर, २८ वर्षिय शुक्र लिम्बु र ३५ वर्षिय शुसिल थापा मगरलाई प्रहरीले पक्राउ गरेको हो ।
पक्राउ परेका उनीहरुको साथबाट डाइलेक्स डिसी ८ बोतल, स्पास्मोप्रोक्सिभन १ हजार ३ सय ६८ एम्पुल प्रहरीले बरामद गरेको छ । पक्राउ परेका तिनै जनालाई ईलाका प्रहरी कार्यालय धरानमा राखी थप अनुसन्धआन भईरहेको प्रदेश प्रहरी कार्यालय विरानगरले जनाएको छ ।
