२ भदौ , काठमाण्डौ ।
अमेरिकी डाइभर्सिटी भिसा (डिभी) लोटरी कार्यक्रमले हजारौं नेपालीलाई एकैसाथआशा र निराशाको खबर दिएको छ। अमेरिकी विदेशमन्त्रालयले जारी गरेको पछिल्लो भिसा बुलेटिन अनुसार, डिभी–२०२६ का विजेताहरूका लागि सुखद सुरुवातको संकेत देखिएको छ भने चालु आर्थिक वर्ष २०२५ का लागि उच्च केस नम्बर भएका विजेताहरूको अमेरिकी सपनामा पूर्णविराम लागेको छ ।
आगामी अक्टोबर १ देखि सुरु हुने आर्थिक वर्ष २०२६ का लागि छनोट भएका डिभी विजेताहरूले भिसा पाउन थाल्नेछन् । पहिलो महिना अक्टोबर मै ६,००० सम्म केस नम्बर भएका नेपालीहरू अन्तर्वार्ताका लागि योग्यहुनेछन् ।
विगतका वर्षहरूको तुलनामा यो सीमालाई निकै उदार मानिएको छ । यसअघि २०२५ गतवर्ष अक्टोबरमा २,९५०, २०२३ अक्टोबरमा १,३००,२०२२ अक्टोबरमा १,४५० र २०२१ अक्टोबरमा ९०० जनामा सीमा बन्दी लगाइएको थियो ।
एकातिर नयाँआशा छ भने अर्कोतिर, चालु आर्थिक वर्ष २०२५ का विजेताहरूका लागि सेप्टेम्बर महिना अन्तिमअवसर हो। भिसाबुलेटिनले सेप्टेम्बरका लागि नेपालीहरूको केस नम्बर सीमा १४,४५० तोकेको छ ।
यसको अर्थ, यो भन्दामाथि केस नम्बर हुने डिभी विजेताले यो वर्ष भिसापाउने छैनन् ।सेप्टेम्बर ३० माआर्थिक वर्ष २०२५ को कार्यक्रम समाप्तहुने र अक्टोबर १ बाट नयाँआर्थिक वर्ष सुरु हुने भएकाले १४,४५० भन्दामाथिका केस नम्बर भएकाहजारौं विजेताहरू निराश बनेका छन् ।
विगतमाअन्तिम महिनाहरूमा केस नम्बर ’करेन्ट’ हुने वा सीमा हटाइने अभ्यास भएपनि पछिल्ला दुई वर्षदेखि सीमातोकिँदै आएको छ, जसले धेरै छनोट भएकाआवेदक हरूलाई समेत अमेरिका पुग्नबाट रोकेको छ ।
अमेरिकी सरकारको विदेशमन्त्रालयले प्रकाशित गरेको अगस्तको भिसाबुलेटिन अनुशार अगस्तमा १० हजार ६ सय ५० सम्म केस नम्बर हुने डिभी विजेता नेपालीहरुले भिसापाउन सक्नेछन् ।
सन् २०२२ माअगस्तदेखि नै केस नम्बरमा लगाइएको सिमाबन्दी हटाइएको थियो भने २०२३ को अगस्तमा २० हजार ५ सयसम्म केस नम्बर हुने नेपालीहरुलाई भिसा प्रदान गरिएको थियो ।
२०२४ को अगस्तमा केसको सिमाबन्दी १२ हजार थियो । आर्थिक वर्ष २०२५ का लागि ३,८६१ जना नेपाली डिभी लोटरीमा छनोट भएकाथिए । छनोट संख्याका आधारमा नेपाल एसियामा इरान५,२६७ र अफगानिस्तान ४,००९ पछि तेस्रो स्थानमा छ ।
विश्वभरबाट करिब २ करोड आवेदन परेकोमा १ लाख ३१ हजारभन्दा बढी व्यक्ति छनोट भएकाथिए, जसमध्येबाट अन्ततः ५५,००० ले मात्र भिसा पाउनेछन् ।
अमेरिकी विदेशमन्त्रालयले डिभी विजेताहरूलाई सेप्टेम्बर ३०, २०२५ सम्मआफ्नो कन्फर्मेसन नम्बर सुरक्षित राख्नआग्रह गरेको छ । डिभी परे÷नपरेको जाँचगर्ने एकमात्रआधिकारिक माध्यम अमेरिकी सरकारको वेबसाइट dvprogram.state.gov हो ।
मन्त्रालयले डिभी परेको भन्दै पठाइने झुटा इमेल वाफोन कलबाट सचेत रहन र कुनै पनिव्यक्तिगतविवरण वा पैसा नपठाउन कडा चेतावनीदिएको छ ।
