विराटनगर, कात्तिक ९
विराटनगरमा प्रहरीको हिरासतबाटै दुई जना हत्या आरोपी फरार भएका छन । अपहरणपछि हत्या गरिएका विराटनगर १७ का मोहम्मद अस्फाकको हत्या आरोपमा पक्राउ परेका सोहि स्थानका २० बर्षिय मोहम्मद सदिफ हुसैन र २१ बर्षीय मोहम्मद आरिफ इलाका प्रहरी कार्यालय रानीको हिरासतबाट फरार भएका हुन् ।
अभियुक्तद्वय गएराति थनुवा कक्षको भेन्टीलेशनको रड काटेर फरार भएको जिल्ला प्रहरी कार्यालय मोरङ प्रहरीका प्रवक्ता निशान थापाले जानकारी दिए । उनले फरार अभियुक्तको खोजीमा प्रहरी परिचालन गरिएको बताएका छन ।
असोज १ गते घरबाटै हराएका अस्फाकको शव असोज ७ गते विराटनगर १४ र १७ को सिमानास्थित नालामा रहेको ह्युम पाइपभित्र सडेको अवस्थामा फेला परेको थियो ।
अभियुक्तद्वयले टाउकोमा ढुंगा प्रहारगरी अस्फाकको हत्या गरेको स्वीकार गरेका थिए । उनीहरुले अस्फाकका आफ्न्तसंग ५० लाखको फिरौती रकम समेत माग गरेका थिए ।
