सुनसरी, मंसिर २३
सुनसरीको ईटहरी उप–महानगरपालिका–४ बसन्तटोलबाट प्रहरीले गए राती लागूऔषध गाँजा सहित १ जनालाई पक्राउ गरेको छ ।
इलाका प्रहरी कार्यालय ईटहरीबाट खटिएको प्रहरी टोलीले लागूऔषध गाँजा सहित ईलाम सन्दकपुर गाउँपालिका–४ बस्ने १८ वर्षीय को रोशन गुरुङलाई पक्राउ गरेको हो ।
राती करिब १ बजेको समयमा शंकास्पद अवस्थामा हिडिरहेका गुरुङलाई चेकजाँच गर्ने क्रममा २ सय ग्राम लागूऔषध गाँजा फेला पारी बरामद गरिएको हो ।
गाँजा सहित पक्राउ परेका गुरुङलाई इलाका प्रहरी कार्यालय ईटहरीमा राखि थप अनुसन्धान भईरहेको उक्त कार्यालयले जनाएको छ ।
