विराटनगर,चैत २८
प्रदेश विश्वविद्यालय सम्भाव्यता अध्ययन कार्यदलले एक नम्बर प्रदेशमा रहेका ७५ वटा सामुदायिक क्याम्पसलाई समेटेर प्रदेश विश्वविद्यालय स्थापना गर्न सुझाव दिएको छ । सामाजिक विकास मन्त्रालयले गत मंसीरमा गठन गरेको कार्यदलले विहिबार ११ बुंदे सुझाव सहित आफ्नो प्रतिवेदन बुझाएको छ ।
प्रदेशमा सञ्चालित विभिन्न विश्वविद्यालयका सम्बन्धन प्राप्त, विश्वविद्यालय अनुदान आयोगबाट मापदण्ड पुरा गरेको प्रमाणपत्र प्राप्त गरेका र प्रदेश विश्वविद्यालय निर्माण गर्ने ऐनले निर्धारण गरेका ईच्छुक सामुदायिक क्याम्पसहरुलाइ आङ्गिक क्याम्पस बनाइ नयाँ प्रदेश विश्वविद्यालय स्थानपना गर्न सकिने कार्यदलको सुझाव छ ।
त्यस्तै स्थानीय सरकारबाट जग्गा प्राप्त गरी प्रदेश सरकारको मुख्य लगानीमा समुदाय र दातृ निकायको साझेदारीमा प्रदेश विश्वविदालय स्थापना गर्न सकिने र पूर्वाञ्चल विश्वविद्यालयलाइ आवश्यक कानुनी प्रबनध मिलाइ प्रदेश विश्वविद्यालयमा रुपान्तरण गरी संचालन गर्न किने सुझाव कार्यदलले दिएको छ ।
तोकिएको मापदण्ड पुरा गर्ने सामुदायिक र निजी क्याम्पसहरुलाइ मानिक विश्वविद्यालयमा रुपान्तरण हुन उत्प्रेरित गर्न समेत कार्यदलले सुझाव दिएको छ । नयाँ बन्ने विश्वविद्यालयमा रेल वे, टनेल ईञ्जीनियरीङ, हाइड्रो ईञ्जीनियरीङ, आइटी ईञ्जीनियरीङ, आउण्टेनेरिङ, फ्लोरिकल्चर, हर्टिकल्चर साइन्स, हस्पीटालिटि एण्ड सोसियल साइन्स लगायतका नयाँ विषयहरु समेत समेटिनुपर्ने कार्यदलको सुझाव छ ।
कार्यदलको प्रतिवेदन बुझ्दै प्रदेश एकका सामाजिक विकासमन्त्री जिवन घिमिरेले यो प्रतिवेदनमा मन्त्रीपरिषद्मा छलफल गर्ने बताए । प्राध्यापक डाक्टर महेशराज दाहालको संयोजकत्वमा १० सदस्यीय कार्यदल गठन गरिएको थियो ।
