झापा, फागुन १५
सरकारले सुपारी निर्यात गर्न बन्द गरेको छ, तर पनि नेपालको पूर्वी नाकाबाट यसको अवैध तस्करी भइरहेको छ । यो नाकाबाट अवैध रुपमा सुपारी भारततर्फ दैनिक तस्करी भइरहेको पाइएको छ ।
प्रहरीसँगको मिलेमतोमा कानुनअनुसार निकासी बन्द भए पनि गैरकानुनी रुपमा सुपारी भारत जाने क्रम भने रोकिएको छैन । यो नाकाबाट सुपारी निर्यात गर्न पाइँदैन तर सुपारी तस्करीको मुख्य नाकाको रुपमा परिचित हुन थालेको छ ।
झापामा सुपारी तस्करीको समूह नै सक्रिय अवस्थामा रहेको छ । कोही ट्रकमा लोड गरेर प्रहरीसँगको सेटिङमा सुपारी कटाउँछन् भने कोही शरीरमा, रिक्सामा र स–साना झोलामा सुपारी निर्यात गर्छन् । उनीहरुले लाइन मिलाएर कटाउने गरेका छन् ।
