आजका प्रमुख खबरहरुः
१.(संक्रमित संख्या छ)
नेपालमा कोरोना भाइरस (कोभिड १९)को छैठौं व्यक्तिमा संक्रमण पुष्टि /संक्रमण भेटिएकी बाग्लुङगकी ६५ वर्षकी महिला गत चैत ४ गते कतार एयरवेजको जहाजबाट आएको स्वास्थ्य मन्त्रालयकाको भनाई ।
२.(रेड जोनमा १७)
अहिलेसम्म देशभरि ११ सय ८४ वटा नमुना परीक्षण /मुलुकभर १ सय ५ जना आइसोलेसनमा /मन्त्रालयको एप्समा स्वास्थ्य विवरण भरेका ४ हजार १ सय ९८ जना मध्ये १७ रेड जोनमा रहेकाले उनीहरुको नमुना परीक्षण गरिने ।
३.(अदालतको अलमल)
कोरोना संक्रमणको त्रासका कारण भारतबाट नेपाल फर्किन खोजेका तर महाकालीपारी अलपत्र परेकाहरुको हकमा सर्वोच्चद्वारा अल्पकालीन अन्तरिम आदेश दिन अस्वीकार/अदालतले दुवै पक्षलाई चैत २४ गते छलफलका लागि बोलायो ।
४.(धार्मिक भेलाको सकस)
हालै भारतको राजधानी नयाँदिल्लीमा आयोजित मुस्लिम समुदायको धार्मिक भेलाबाट आएकामध्ये ५२ जनालाई क्वारेन्टाइन राखियो / भेलामा नेपालबाट सहभागी हुनेको संख्या यकिन नभए पनि जमातबाट आएका अन्यको खोजी जारी ।
५.(शुक्रबारको साईत)
प्रदेश १ को विराटनगरमा रहेको नेशनल ट्रेडिङको भवनमा निमार्णाधिन कोरोना विशेष अस्थायी अस्पतालको निमार्ण कार्य सम्पन्न /५० शैयाको कोरोना अस्पताल शुक्रबारबाट सञ्चालनमा आउने प्रदेश १ का सामाजिक विकासमन्त्री जीवन घिमिरेको भनाई ।
६.(परीक्षण विकेन्द्रीकरण)
सरकारले उपत्यकाबाहिर कोरोना भाइरसको नमुना परीक्षण धमाधम अगाडि बढायो /सातै प्रदेशका अस्पताललाई मेसिन उपलब्ध गराएपछि कोरोना भाइरसको आशंका भएका व्यक्तिहरुको परीक्षण सुरु ।
७.(क्षमतामाथि किट)
चीनबाट खरिद गरेको कोभिड–१९ द्रुत परीक्षण किटको गुणस्तर परीक्षण गर्ने क्षमता स्वास्थ्य अनुसन्धान परिषद्ममा नभएको खुलासा /स्वास्थ्य सामग्री खरिद छानविनमा अख्तियारद्धारा स्वास्थ्य सेवा विभागका महानिर्देशक महेन्द्र श्रेष्ठसँग सोधपुछ ।
८.(स्वास्थ्य सामग्रीको जोहो)
कोरोना संक्रमण परिक्षणकालागि मेडिकल सामग्री खरिदमा नेपालले ओम्नी ग्रुपसंग सम्झौँता रद्ध गरेलगत्तै व्यापारीहरुको अर्को समूहले सामान उपलब्ध गराउँदै /नेपाल वायूसेवा निगमको वाइडबडी विमानले करीब ३० टन सामग्री ल्याउने ।
९.(निगमको उदारता)
नेपाल आयल निगमद्वारा सरकारलाई ५० करोड रुपैयाँ सहयोग / कोरोना भाइरस रोकथाम, नियन्त्रण तथा उपचार कोषमा जम्मा गर्न दिएको ५० करोडको चेक प्रधानमन्त्री तथा मन्त्रिपरिषद्को कार्यालयलाई हस्तान्तरण ।
१०.(उचित कदम)
लकडाउनको समयमा अत्यावश्यक कामका लागि प्रदान गर्दै आएकोे सवारी पास जिल्ला प्रशासन कार्यालय चितवनद्वारा वितरणमा रोक /अनुमति पाएकाले आफ्नो परिचयपत्रका आधारमा सवारीसाधन चलाउन पाउने ।
११.(गाईको कन्तबिजोग)
लकडाउनमा सरकारले ढुवानीका साधन निर्वाध सञ्चालन हुने भनेपनि व्यवहारमा त्यस्तो नदेखिएपछि गाईपालन व्यवसाय संकटमा / खानाको कमिले गाईको स्वास्थ्यमा प्रतिकुल असर पर्दा गाईनै फुकाएर छोड्ने स्थितिमा पुगेका व्यवसायीको गुनासो ।
१२.(४२ लाखको ज्यान)
लकडाउनका कारण ह्याचरी व्यवसायीद्वारा ४२ लाख चल्ला नष्ट /दाना उद्योगले दाना ढुवानी नगरेको कारणले नयाँ चल्ला हाल्न नसकिएको र भएकालाई पनि पाल्न नसकेको व्यवसायीहरुको गुनासो ।
१३.(कोरोनाको असर)
आगामी नोभेम्बरमा बेलायतको ग्लास्गोमा हुने जलवायु परिवर्तनसम्बन्धी राष्टसंघीय संरचना महासन्धिका पक्ष मुलुकहरुको २६ औं सम्मेलन कोरोना संक्रमणका कारण स्थगित /सम्मेलन सन् २०२१ को मध्यतिर आयोजना हुने अपेक्षा ।
१४.(यो हो राष्ट्रभक्त)
कोभिड १९ को प्रकोपले सम्पूर्ण खेलकुद कार्यक्रम पूर्णरुपमा ठप्प भएपछि सशस्त्र प्रहरी बल (एपीएफ) का खेलाडी आ–आफ्नो ड्युटीमा फर्किए/सागमा समावेश भएका खेलाडीलाई भने ड्युटीमा नबोलाउने सरकारको तयारी ।
र,
१५.(पछिल्लो तथ्याङ)
विश्वभर कोरोना भाइरसको संक्रमणका कारण विहिबार साँझसम्ममा ४८ हजार ३ सय बढीको मृत्यु /९ लाख ५० हजार बढी संक्रमित /स्पेनमा मृतकको संख्या १० हजार नाघ्यो ।
