आजका प्रमुख खबरहरुः
१.(नयाँ थपिएका छैनन्)
कास्कीमा कोरोना संक्रमित हालसम्म फेला नपरेको स्वास्थ्य मन्त्रालयका प्रवक्ता डा. विकास देवकोटाको भनाई / पोखराको मेसिनको नतिजा शंकास्पद लागेपछि पुनः परीक्षण/मुलुकभर १ सय २० जना बिरामी आइसोलेसनमा ।
२.(नमुना परीक्षण बढ्दै)
अहिले सम्म राष्ट्रिय जनस्वास्थ्य प्रयोगशाला टेकुमा जम्मा १२ सय ७७ वटा नमुना परीक्षण / बुटबलमा मेसिन जडान हुदै /भक्तपुरका खरिपाटी क्वारेन्टाईनका ९६ जना तथा कैलाली र कञ्चनपुरका क्वारेन्टाईनमा रहेका ९२ जनाको नमुना संकलन ।
३.(निर्देशन कायम होस्)
मन्त्रालयको एप्समा रेड जोनमा रहेकाको ट्राभल हिस्ट्री लगायत हेरेर नमुना परीक्षण गरिने भएकाले विवरण सही भर्न अनुरोध/पिपिइको दुरुपयोग नगर्न र कोभिड १९ बाहेकका विरामीलाई इमरजेन्सी सेवाबाट बञ्चित नगर्न आग्रह ।
४.(अदालतको आदेश)
कोरोना भाइरसको रोकथाम र नियन्त्रणका लागि भइरहेको प्रयास र योजनाबारे प्रतिवेदनसहित आगामी आइतबार हाजिर हुन स्वास्थ्यका अधिकारीहरुलाई सर्वोच्च अदालतको आदेश /कोरोना नियन्त्रणसम्बन्धी गतहप्ताका पुराना दुई निवेदनलाई पनि एकसाथ राख्न आदेश ।
५.(सेनालाई अवसर)
सरकारले कोरोना रोकथामका लागि स्वास्थ्य सामग्री तथा उपकरणहरू जिटुजीमार्फत् ल्याउने भएपछि खरिद गर्ने प्रक्रिया नेपाली सेनाद्वारा रद्द/जिटुजी प्रक्रियामार्फत् स्वास्थ्य सामग्री ल्याउँदा सेनालाई अगाडि सार्ने तयारी ।
६.(शेखरको आवाज)
असगर अलीलाई प्रधानमन्त्रीको सूचना प्रविधि सल्लाहकार पदबाट तत्काल हटाउन कांग्रेस नेता शेखर कोइरालाको माग /मेडिकल सामाग्री खरिदमा ढिलासुस्ती र अनियमिततामा सामेलहरुलाई कारबाही गर्न सभापति शेरबहादुर देउवाको आग्रह ।
७.(प्रतिपक्षको बोली)
कोरोना संक्रमण नियन्त्रणका लागि अत्यावश्यक मेडिकल सामग्री सेनाले खरिद गर्दा छानबिन हुँदैन भन्ने मानसिकतामा सरकार पुगेको कांग्रेस नेता रामचन्द्र पौडेलको भनाइ /संकटको बेला स्वास्थ्य सामग्री खरिदमा भ्रष्टाचार हुनु दुर्भाग्यपूर्ण भएको ठहर ।
८.(अस्थायी अस्पतालको शुभारम्भ)
प्रदेश–१ को विराटनगरमा निर्माण सम्पन्न भएको ५० शैय्याको कोरोना विशेष अस्थायी अस्पतालको शुभारम्भ/ अस्पतालमा आजैबाट सेवा सञ्चालन ।
९.(परिवारले शव बुझेनन् )
करिब एकसाता अघि बुटवलको आइसोलेशनमा ज्यान गुमाएका रुपन्देहीका बाबुराम थापाको शव अझै परिवारले बुझेनन् /मृत्युको कारण छानबिन, राहत र दुई सन्तानको पढाइलगायत माग पूरा नभएसम्म शव नबुझ्ने श्रीमतीको अडान ।
१०. (भारत जान रोक)
विभिन्न विकास निर्माणमा काम गर्न नेपाल आएका ७२ जना भारतीय नागरिकलाई झापाम राखियो /विकास निर्माणसँगै उद्योग ठप्प बनेपछि लुकिछिपी हिँडेर भारत प्रवेश गर्न खोजकालाई नियन्त्रणमा लिइएको झापा प्रहरीको भनाई ।
११.(एम्नेष्टीको ध्यानाकर्षण )
लकडाउनका बेला विदेशी सीमानाका बन्दका कारण हजारौँ मानिसले भोगिरहेको समस्याप्रति एम्नेस्टी इन्टरनेशनल नेपालद्वारा सरकारको ध्यानाकर्षण /स्वास्थ्य र जीवनयापनको जोखिममा रहेकाको संरक्षणका लागि उपयुक्त उपाय अवलम्वन गर्नुपर्ने उल्लेख ।
१२.(बैठक स्थगित)
संघीय संसद् प्रतिनिधिसभा बैठक लगातार तेस्रो पटक सूचना जारी गरेर स्थगित / आइतबार २३ गते १ बजेका लागि बोलाइएको प्रतिनिधिसभा बैठक ३० गते १ बजेसम्मका लागि स्थगित ।
१३.(एडीवीको प्रक्षेपण)
आर्थिक वर्ष २०७६/७७ मा नेपालको अर्थतन्त्र ५ दशमलव ३ प्रतिशतमा सीमित हुने एसियाली विकास बैंकको प्रक्षेपण /कोभिड–१९ का कारण अस्थायी रुपमा गरिएको सीमा बन्दले खाद्यान्नको मूल्य बढ्यो ।
१४.(राखेपको चासो)
सरकारले लकडाउन गरेको झन्डै २ साता पुग्न लाग्दा राखेपले आफ्ना खेलाडी, प्रशिक्षक, कर्मचारी र संघ संस्थाका पदाधिकारीको बारेमा चासो देखायो /परिषद्बाट केही सुहयोग चाँहिएमा यथासिध्र जानकारी गराउन सबैमा राखेपको अपिल ।
र,
१५.(कोरोनाको कहर)
विश्वभरिमा कोरोना भाइरस संक्रमीतको संख्या १० लाख ३० हजार नाघ्यो /५४ हजार बढीको मृत्यु/ २ लाख २० हजार बढी निको भएर घर फर्किए ÷ अमेरिका संक्रमीतको संख्या चीनभन्दा तेब्बर वृद्धि ।
