आजका प्रमुख खबरहरुः
१.(थपिए संक्रमित)
मंगलबार रौतहटका थप दुई जनामा कोरोना संक्रमण पुष्टि भएसँगै नेपालमा संक्रमितको संख्या ५४ पुग्यो /अहिलेसम्म १६ जना उपचारपछि निको भएर घर फर्किए ।
२.(परीक्षणको आँकडा)
अहिलेसम्म ५४ हजार ८ सय २६ परीक्षण/देशभरी अहिले २२ हजार ९९ जना क्वारेन्टाइनमा/१ सय ७ जना आइसोलेसनमा उपचाररत रहेको स्वास्थ्य मन्त्रालयको भनाई ।
३.(कैदीबन्दीको चिन्ता)
विदेशमा अलपत्र हजारौं नेपाली कामदारहरुको तत्काल उद्दार र समस्या समाधान गर्न राष्ट्रिय मानव अधिकार आयोगको सरकारलाई निर्देशन/कारागारमा क्षमताभन्दा बढी कैदीबन्दीहरू रहेका कारण संक्रमण हुन गएमा स्थिति भयावह हुन सक्ने चेतावनी ।
४.(दर्तामा अड्को)
जिल्ला सरकारी वकिल कार्यालयद्वारा समाजवादीका सांसद डा. सुरेन्द्र यादवलाई अपहरण गरेको भन्ने जाहेरी राजनीतिक विषय भएकाले दर्ता गर्न अस्वीकार/बाबुराम भट्टराईले प्रधानमन्त्रीलाई भष्मासुर भनेको भन्दै नेकपाका कार्यकर्ताहरु कारवाहीको माग गर्दै पुगे वकिलको कार्यालय ।
५.(अन्तवार्ताको तरङ)
जनता समाजवादीका नेता एवं पूर्वप्रधानमन्त्री बाबुराम भट्टराईसँग लिइएको अन्तवार्ताको बिषयमा रेडियो नेपालसँग सञ्चार मन्त्रालयले माग्यो स्पष्टीकरण/तीन दिनभित्र स्पष्टीकरण पेश गर्न र आइन्दा अतिथि निम्त्याउँदा विचार र्पुयाउन सचेत ।
६.(चोरीको चर्चा)
चितवनको भरतपुर कोरोना अस्पतालको स्टोरबाट चप्पल, मास्क, सेनिटाइजरलगायत सामग्री कर्मचारीलेनै चोरी गरेपछि छानबिन समिति गठन /चोरी गरेको सीसीटीभी फुटेज बाहिरिएपछि अस्पतालमा अख्तियारको छापा /आर्थिक अनियमितताको आशंका ।
७.(कामदारको कदर)
बिदामा आएका नेपाली कामदारलाई विमान चार्टर गरी कोरिया पठाउने सरकारको तयारी/आफ्नै खर्चमा जान इच्छुक कामदारले वैदेशिक रोजगार विभागको इपीएस कोरिया शाखामा सम्पर्क राख्न अनुरोध ।
८.(कानुनको बाटो खुला)
लकडाउन लम्बिँदै गएपछि मंगलबारदेखि सर्वोच्च अदालतमा रिट निवेदन दर्ता र सुनुवाइ खुला / सेवाग्राही, कानुन व्यवसायीले सुरक्षाका उपाय अपनाउनुपर्ने / पुराना रिटको सुनुवाइ हुने र निर्णय भने नहुने ।
९.(कुरै त होला ?)
आगामी वर्षको बजेट मार्फत १ लाख फुस् र खरका छाना विस्थापित गरिने शहरी विकास राज्यमन्त्री रामवीर मानन्धरको भनाई /उपत्यकालाई बाहिरी जिल्लाबाट घेर्ने वैकल्पिक चक्रपथ अन्तरगत नयाँ सहर निर्माण गरिने ।
१०.(बजेटको सुरसार)
गतवर्षका योजनाहरुलाई निरन्तरता दिनेगरी बजेट प्रस्ताव आएपछि शहरी विकासमा नयाँ योजनाहरु थप नहुने /एक निर्वाचन क्षेत्रमा एक योजना पर्ने गरी बजेट प्रस्ताव गर्नुपर्ने सांसद्हरुको सुझाव ।
११.(पहिरोले पुरेकाहरु)
कास्कीको अन्नपूर्ण पदमार्गमा आएको हिमपहिरोमा बेपत्ता भएका थप एक कोरियन नागरिकको शव फेला / बाँकी एक कोरियन र एक नेपाली नागरिकको खोजी कार्यलाई जारी ।
१२.(दूतावासको पहल)
बेलायतमा रहेका नेपाली समुदायमा कोरोनाले पारेको प्रभावबारे नेपाली राजदूतावासद्वारा बेलायती सरकारलाई अवगत / भाषागत समस्या तथा अस्पताल र अत्यावश्यक सामग्रीको पहुँचलगायतमा यथाशिघ्र सहयोगका लागि आग्रह ।
१३.(भान्सा रित्तो तरकारी कुहियो)
लकडाउनमा अत्यावस्यक वस्तु एवं कृषि उत्पादनको ढुवानी सहज बनाउने बताएपनि किसानहरु भने आफ्नो उत्पादन विक्री नभएर समस्यामा /तरकारी बिक्री नहुँदा खेतमै कुहिएपछि लाखौंको नोक्सानी ।
१४.(कहिले हुन्छ अन्त्य ?)
कोरोना महामारीको अन्त्यबाट विश्व अझै निकै टाढा रहेको विश्व स्वास्थ्य संगठनको भनाई / भाइरसका कारण सामान्य स्वास्थ्य सेवा र बालबालिकाहरूले खोप लगाउन नपाएर मृत्यु बढेकोमा चासो व्यक्त ।
र,
१५.(नयाँ डाटा)
कोरोना भाइरस महामारीका कारण विश्वभर हालसम्म २ लाख १२ हजार बढीको मृत्यु /संक्रमितको संख्या ३० लाख ८० हजार नाघ्यो /९ लाख २९ हजार बढी निको भएर घर फर्किए ।
