७ जेठ, विराटनगर ।
प्रहरी चौकी लोदिया दानावारी इलाममा कार्यरत प्रहरी नायव निरीक्षक दिलबहादुर दनुवार बैशाख महिनाको सर्वाेत्कृष्ट प्रहरी घोषित भएका छन् । एक नम्बर प्रदेश प्रहरी कार्यालय विराटनगरले उनले गरेको कार्यको मुल्यांकन गर्दै बैशाख महिनाको सर्वोत्कृष्ट प्रहरी घोषित गरेको हो ।
दनुवारले अवैध हातहतियार र विष्फोटक पदार्थ सहित विध्वंसात्मक गतिविधिमा संलग्न व्यक्तिहरुलाई पक्राउ गरी कानूनी दायरामा ल्याउन सफल भएको तथा आम सर्वसाधारण नागरिकहरुलाई सुरक्षाको अनुभूति हुने गरी नागरिक समक्ष प्रहरीको छवि उच्च बनाउनुको साथै सर्वसाधारणहरुमा सुरक्षाको प्रत्याभुति गर्ने तर्फ प्रशंसनिय कार्य गरेको जनाईएको छ ।
दनुवार विभागियमुल्य–मान्यता, आदेश–निर्देशनको पालना गरी व्यवसायिक, लगनशील र कर्तव्यनिष्ठ तवरले कर्तव्यपथमा तल्लीन रही उच्च मनोबल र साहसका साथ काम गरेको कार्यालयले जनाएको छ ।
प्रहरी कर्मचारीहरुको मनोवल उच्च बनाउने तथा सम्पादितकार्यको उचित मुल्याङकन गर्दै १ नम्बर प्रदेश प्रहरी कार्यालयले १ नम्बर प्रदेश भरिका प्रहरी कर्मचारीहरु मध्येबाट प्रत्येक महिना सर्वाेकृष्ट प्रहरी छनौट गर्दै आइरहेको छ ।
