२३ जेठ, काठमाडौं ।
म्यानमारबाट उद्धार गरेर ल्याइएका नेपालीले शुक्रबारै घर जान पाउने भएका छन् । कोरोनाको पीसीआर नेगेटिभ आएको रिपोर्ट भएकाले सबै जनालाई घरमा पठाउन लागिएको हो ।
म्यानमारबाट २६ जना नेपाली शुक्रबार बिहान नेपाल आएका थिए । साँझ ५ः४४ बजेसम्ममा वसुन्धारास्थित यति पार्टी प्यालेसको होल्डिङ सेन्टरबाट ९ जना घर गइसकेको सैनिक स्रोतले जनाएको छ । स्रोतले भन्यो-‘अन्तर्वार्ता र व्यक्तिगत विवरण संकलनपछि उहाँहरुलाई होम क्वारेन्टिनमा बस्ने गरी पठाइएको हो, अन्य व्यक्तिलाई पनि पठाउने तयारी गरिरहेका छौं ।’
घरमा पनि उनीहरुले सरकारले तोकेको क्वारेन्टिनको मापदण्ड पूरा गर्नुपर्ने छ । होल्डिङ सेन्टरमा उनीहरुलाई त्यसबारे प्रतिबद्धता पत्रमा सेनाले हस्ताक्षर समेत गराएको छ ।नमार सेनाको एयरफोर्सबाट आएका नेपालीमध्ये बागमती प्रदेशका १७, गण्डकी प्रदेशका ४, प्रदेश १ का ४ र प्रदेश ५ का एक जना नेपाली छन् ।
उपत्यका बाहिर घर हुने व्यक्ति मध्ये पनि अधिकांशले काठमाडौंमै बस्ने व्यवस्था गरेका छन् । अन्यको विषयमा छलफल भइरहेको जनाइएको छ । शुक्रबारै यूएईबाट पनि एक सय ५७ जनालाई नेपाल आईपुगेका छन् ।
