२१ भदाै, पाँचथर।
पाँचथरकाे मिक्लाजुङ गाउँपालिका- २ लक्ष्मीचौकमा ट्याक्टरले किचेर सह-चालकको मृत्यु भएको छ । मृत्यु हुनेमा सोही ठाउँका २९ बर्षीय अविशेक आङदम्वे रहेका छन् ।
आइतबार दिनको करिब ३ बजे लसुने खोलाबाट ढुंगा लोड गरी आउँदै गरेकाे प्रदेश नम्वर १-०१-००१ त ९०३४ ट्याक्टर रोक्ने क्रममा सोही ट्यक्टरका सहचालक रहेका अविशेक ओर्लदा पछाडीको चक्काले किचेर गम्भिर घाईते भएका थिए ।
उनको उपचारको लागी आधारभुत अस्पताल रवि लाने क्रममा बाटैमा मृत्यु भएको प्रहरीले जनाएकाे छ। ट्याक्टर र चालक सोही स्थानका २८ बर्षीय आईतहाङ आङदेम्वे ईलाका प्रहरी कार्यालय रविको नियन्त्रणमा रहेका छन्। घटनासम्बन्धमा थप अनुसन्धान भईरहेको जिल्ला प्रहरी कार्यालय पाँचथरले जनाएकाे छ ।
