२२ फागुन , काठमाण्डौ ।
प्रतिनिधिसभा सदस्य निर्वाचन २०८२ को मतगणना जारी रहँदा राष्ट्रिय स्वतन्त्र पार्टीका उम्मेदवारहरूले विभिन्न निर्वाचन क्षेत्रमा अग्रता बनाएका छन्। प्रारम्भिक रुपमा रास्वपाले अहिलेसम्म ३२ स्थानमा अग्रता बनाएको छ ।
प्रारम्भिक मतपरिणामअनुसार काठमाडौं–१ मा रञ्जु न्यौपाने ९ हजार ७८ मतसहित अगाडि छिन्। काठमाडौं–८ मा विराज भक्त श्रेष्ठ ७ हजार ६१७ र काठमाडौं–१० मा प्रदीप विष्ट ६ हजार ४२ मतसहित अग्रता बनाइरहेका छन्।
यस्तै काठमाडौं–५ मा सस्मित पोखरेल ३ हजार ७००, काठमाडौं–४ मा पुकार बम २ हजार ५२९, काठमाडौं–७ मा गणेश पराजुली २ हजार ८३३ र काठमाडौं–६ मा शिशिर खनाल २ हजार २३८ मतसहित अघि छन्।
मोरङ–४ मा सन्तोष राजवंशी ३ हजार ८८५, धनुषा–३ मा मनिष झा ३ हजार ९१४ र रुपन्देही–२ मा सुलभ खरेल ४ हजार ७२ मतसहित अग्रता बनाएका छन्। चितवन–२ मा रवि लामिछाने २ हजार २५, चितवन–३ मा सोविता गौतम ९२५, कास्की–१ मा खडक राज पौडेल १ हजार ९७८, कास्की–२ मा उत्तम प्रसाद पौडेल २ हजार ४१७ र कास्की–३ मा बिना गुरुङ २ हजार ७४ मतसहित अघि छन्।
यसैगरी तनहुँ–१ मा स्वर्णिम वाग्ले १ हजार ३५२, दाङ–१ मा देवराज पाठक १ हजार ५१६, बाँके–१ मा सुरेश कुमार चौधरी २ हजार ५७४ र बाँके–३ मा खगेन्द्र सुनार १ हजार ३६९ मतसहित अग्रता कायम गरेका छन्।
त्यस्तै झापा–५ मा बालेन्द्र शाह ३ हजार १६०, मोरङ–१ मा यज्ञमणि न्यौपाने २ हजार २६९, मोरङ–५ मा आशा झा १ हजार २२९, बारा–३ मा अरबिन्द साह २ हजार १६०, भक्तपुर–१ मा रुकेश रन्जित ८८८ र भक्तपुर–२ मा राजीव खत्री २ हजार मतसहित अगाडि छन्।
ललितपुर–३ मा तोसिमा कार्की ६४८, ललितपुर–२ मा जगदीश खरेल २२८, रौतहट–४ मा गणेश पौडेल ४४३, कञ्चनपुर–२ मा दीपक राज बोहरा १ हजार ३८० र कञ्चनपुर–३ मा ज्ञानेन्द्र सिंह महता १२९ मतसहित अग्रता बनाइरहेका छन्।
यस्तै अहिलेसम्म काग्रेसले ४ क्षेत्रमा अग्रता बनाएको छ । जसमा उदयशमशेर जबरा ललितपुर – १, उनी ९८२सहित अघि रहेका छन् । भरतराज ढकाल स्याङ्जा – १ उनी ८०६सहित अघि छन् । अभिषेकप्रताप शाह,कपिलवस्तु – ३ उनी ७६५ मतसहित अघि छन् भने माधवप्रसाद बास्तोलाले कास्की – २ बाट अग्रता कायम गरेका छन् ।
एमाले अहिलेसम्म ३ स्थानमा मात्रै अघि छ । भानुभक्त ढकाल तेह्रथुम – १ मा १,२६२ मत सहित अग्रता राख्दा दामोदर पौडेल वैरागीले कास्की – ३ र मोहम्मद इश्तियाक राईले बाँके २ मा अग्रता कायम गरेका छन् । नेकपाका महेन्द्र बहादुर शाही मात्रै कालीकोट १ मा अगाडि रहेका छन् । यो प्रारम्भिक मतपरिणाम हो । सबै क्षेत्रमा मतगणना जारी रहेको छ ।
