२ असार, विराटनगर । गायक नगेन्द्र कटुवालको राष्ट्रभक्ति गीत देश बचाउन युवा उठ बोलको गितको विमोचन गरिएको छ ।
सुनसरीको इटहरीमा आयोजित एक औपचारिक कार्यक्रमका बीच कोशी प्रदेशका पूर्वमुख्यमन्त्री शेरधन राईले गीतको विमोचन गरेका हुन् ।
विमोचन कार्यक्रममा पूर्वमुख्यमन्त्री राईले गीतले देश प्रति सम्बेदनशील हुने सन्देश बोकेको बताउदै यस्ता गीतहरु अझै समाजमा थप्नु पर्नेमा जोड दिए ।
यस्तै गीतकै माध्यमबाट देशका युवामा देशभक्ति भावना बढाउने राम्रो माध्यम भएको कोशी प्रदेशकी पूर्व उपसभामुख सरस्वती पोखरेलले बताइन् ।
काब्यकला क्रिएशनको प्रस्तुति रहेको गीत नरेश खड्काको शब्द तथा बलराम समालको संगीतमा तयार पारिएको छ ।
देशको यस्तो भयाभय अवस्थामा यो गीतले देश भक्तिमा केही टेवा पुगोस् भनि निर्माण गरिएको गायक नगेन्द्र कटुवालले बताए ।
राष्ट्रभावनाबाट ओतप्रोत गीतमा युवाहरु देश प्रति जिम्मेवार रहनु पर्ने दर्शाइएको छ । गीतको म्युजिक भिडियो काब्यकला क्रिएशनका रोहित खनालले निर्देशन तथा सम्पादन गरेका हुन् भने गीतको छायाङकन केशव खनालले गरेका हुन ।
