२ पुष ,एजेन्सी ।
यमनका हुथी विद्रोहीहरुले इजरायलमा एउटा ठूलो हमला गरेका छन् । अलजजीराको रिपोर्टका अनुसार हुथी विद्रोहीहरुले इजरायलमा हाइपरसोनिक मिसाइलले हमला गरेका छन् । साथै हुथीले जबसम्म इजरायली सेनाले गाजामा युद्ध समाप्त गर्दैन तबसम्म आफूले इजरायलमा हमला जारी राख्ने पनि बताएका छन् ।
हुथीले जुन मिसाइल इजरायलमा हानेको छ त्यसको नाम अपरेशन प्यालेस्टाइन २ राखिएको छ । यो मिसाइल ध्वनीभन्दा पांच गुणा तिव्र गतिले इजरायलको सीमामा प्रवेश गरेको छ । उता इजरायलका तर्फबाट भनिएको छ, हुथी विद्राहीहरुले हमला त गरेका छन् तर त्यो मिसाइललाई हावामा नै नष्ट गरिएको छ ।
इजरायली डिफेन्स फोर्सका प्रवक्ताका तर्फबाट यो हमलाका बारेमा भनिएको छ, “मिसाइलको टुक्राहरु भmरेको आशंकाका कारण मिसाइल र रकेट फायरिंगका लागि अलर्ट एक्टिभेट गरिएको थियो” । राजधानी तेल अभीभमा पनि यो मिसाइल प्रहार हुँदा सायरन बजेको थियो ।
यता हुथी विद्रोहीहरुको दाबी छ कि उनीहरुको यो मिसाइलले टारगेटलाई हिट गरेको छ । यद्यपि, आफ्नो यो दाबीलाई लिएर उसले कुनै पनि जानकारी उपलब्ध गराएको छैन । हुथीलाई ईरान समर्थित मानिन्छ ।
यद्यपि, उसले आफूलाई यमनको आधिकारिक आर्मी करार दिदै भनेको छ कि यमनी सशस्त्र बलले आफ्नो सैन्य अभियान जारी राख्नेछ र इजरायलकोे कब्जामा रहेका सबै टारगेटमा हमला गरिरहने छ ।
हुथीले दाबी गरेको छ कि यो अभियान त्यतिबेलासम्म रोकिदैन जतिबेलासम्म गाजाबाट इजरायली सेना बाहिर जाँदैन र आफ्नो घेराबंदीलाई अन्त्य गर्दैन । गएको एक वर्षमा हुथी विद्रोहरुले मिसाइलहरु र ड्रोनहरुले दर्जनौंं जहाजहरुलाई निशाना बनाएको छ ।
यसबीच अमेरिकाको फोर्सले पनि लगातार हुथीमाथि हमला गर्दै आएको छ । लगातार यमनमा हुथीका ठेगानाहरुमा बमबारी भइरहेको छ । यद्यपि, यसको बावजूद पनि हुथीले आक्रमण गर्न छाडेको छैन ।
यता यतिबेला चौतर्फीरुपमा शत्रुहरुले इजारयलमा घेरा हालेका छन् । एकातर्फ प्यालेस्टाइन र लेबनानसंग उसको सीधा युद्ध चलिरहेको छ । अर्कातिर सिरियासंग पनि उसको युद्ध सुरु हुनै आटेको देखिन्छ ।
किनभने इजरायलले सिरियामा ब्याकटुब्याक भीषण हमला गरिरहेको छ । गोलान हाइट्स लगायतका सीमा क्षेत्रमा आफ्ना बस्तीहरु विस्तार गरिहरेको छ । यसबीच यमनका हुथी विद्रोहीले पनि इजरायलमाथि लगातार हमला गरिरहेको छ ।
हुथीले आफूलाई यमनको आधिकारिक सेना बताउने प्रयास गर्दै आएको छ । उसको भनाइ छ कि यो मिसाइल गाजा पट्टीमा प्यालेस्टाइनीविरुद्ध इजराइलको नरसंहारको जवाबमा हानिएको हो । गत एक वर्षदेखि गाजामा जारी इजरायली हमलामा ४५ हजारको मृत्यु भइसकेको छ ।
यसैबीच इजरायली रक्षा मंत्री इजराइल काट्जले भनेका छन्, इजरायलले गाजामा बंधकहरुको रिहाईलाई लिएर हमाससंग सम्झौताको नजिक पुगेको छ । नेसेट सांसदहरुलाई जानकारी दिदै उनले भने, इजरायल एकातर्फ बंधक सम्झौताका लागि नजिकै पुगेको छ ।
टाइम्स अफ इजरायलका अनुसार उनले नेतन्याहूका टिप्पणीहरुमाथि पनि चर्चा गरे । केही दिनपहिला अमेरिकाका नवनिर्वाचित राष्ट्रपति डोनाल्ड ट्रंपसंग फोनमा गाजामा हमासद्वारा बंधक बनाइएकाहरुलाई मुक्त गर्ने प्रयासहरुमा नेतन्याहुले चर्चा गरेका थिए ।
नेतन्याहूले भनेका थिए, हामी बंधकहरुलाई घर फिर्ता ल्याउनका लागि आराम नगरि हरसमय काम गरिहरेका छौं । उता ट्रंपले पनि सो क्रममा पश्चिम एशियामा मानिसहरुलाई बन्धक बनाउनेलाई चेतावनी दिएका थिए, यदी उनीहरुले बन्धकहरुलाई २० जनवरीसम्म रिहा गरेनन् भने उनीहरुले अमेरिकाका तर्फबाट बमबारी झेल्नु पर्नेछ ।
यसबीच इजरेली रक्षामन्त्रीले हालको सम्झौतालाई गठबंधनका अधिकांशले समर्थन जनाएको पनि संकेत गरेका छन् । अब यसले आन्तरिक बाधाहरुको सम्भवत सामना गर्नु पर्दैन । उनले भने, हमास चाहान्छ, सम्झौतामा शत्रुतामाथि पूर्ण विराम लागोस, तर यस्तो हुँदैन ।
तर नेतन्याहूका कट्टर दक्षिणपंथी गठबंधनका कयौंले भने यसको विरोध गरेका छन् । एक रिपोर्टका अनुसार इजरायल र हमासबीचमा चलिरहेको कुराकानी आंशिक सम्झौतामा रिहा गरिने जीवित बन्धकहरुको संख्यामा अट्कीएको छ ।
हमास इजरायलले मागेको भन्दा निकै कमलाई मात्रै रिहा गर्न जोड दिइरहेको छ । जबकि इजरायल यसका लागि तैयार छैन । बन्धकहरुको रिहायीलाई लिएर इजरायल–हमासबीच कयौं चरणको वार्ता रोकिएको छ । हमासले इजरायललाई जुन प्रस्ताव गरेको छ त्यसमा युद्ध अन्त्य, इजरेली सेना फिर्ता र यसलाई लिएर अंतर्राष्ट्रीय मध्यस्थकर्ताहरुको ग्यारेन्टीको माग छ ।
