५ चैत , काठमाण्डौ ।
आज काठमाडौंबाट करिब २५ करोड रकमसहित एक जनालाई प्रहरीले पक्राउ गरेको छ । नेपाल प्रहरीको विशेष टोलीले काठमाडौंको टोखा क्षेत्रबाट यति ठूलो परिमाणमा विभिन्न देशका मुद्रा बरामद गरेको हो ।
ना१ख १६५२ नम्बरको एउटा ट्रकबाट उक्त रकम बरामद गरिएको प्रहरीले जनाएको छ । ‘एक जनालाई २५ करोडसहित पक्राउ गरेका छौं । यसबारे थप अनुसन्धान हुँदैछ’ अपराध अनुसन्धान कार्यालयका एसएसपी रमेश बस्नेतले भने ।
यसबारे विस्तृत विवरण पत्रकार सम्मलेन गरेर जानकारी दिने प्रहरीले जनाएको छ । नेपाली रुपैयाँ, अमेरिकी डलर र युरोसहित उनलाई पक्राउ गरिएको उपत्यका अपराध अनुसन्धान कार्यालयले जनाएको छ ।
सो ट्रकका चालक सिन्धुपाल्चोकको भएको खुलेको छ । काठमाडौँ उपत्यका अपराध अनुसन्धान कार्यालयले दिएको जानकारीअनुसार ट्रकका चालक सिन्धुपाल्चोकको भोटेकोसी गाउँपालिका–१, का ४३ वर्षीय कुसाङ लामालाई नियन्त्रणमा लिइएको हो ।
उनको ट्रकबाट ठूलो परिमाणमा रकम बरामद भएको छ’, काठमाडौँ उपत्यका अपराध अनुसन्धान कार्यालयले भन्यो, ‘यत्ति नै भनेर अहिले भन्न सकिन्न, गन्ती हुँदैछ।’ तर प्रारम्भिक अनुमानमा रकम २५ करोडभन्दा माथि नै छ ।‘यस विषयमा अहिले दिउँसो पत्रकार सम्मेलन गरी हामी विस्तृत जानकारी दिनेछौँ’, कार्यालयले बताएको छ ।
काठमाडौँ उपत्यका अपराध अनुसन्धान कार्यालय टेकुको टोलीले टोखा नगरपालिका–१ झोर क्षेत्रबाट २० करोड रकमसहित गएराति कुसाङलाई पक्राउ गरेको हो । यस विषयमा थप अनुशन्धान भइरहेको प्रहरीले जनाएको छ ।
