१३ चैत , एजेन्सी ।
जस्तालाई तेस्तैको नीतिअनुरुप डोनाल्ड ट्रम्पले भारतमाथि ट्यारिफको भार थोपरे पनि उनले भारतको प्रशंसा भने गर्न छाडेका छैनन । मोदी र भारतमाथि प्रशंसायुक्त उनका टिप्पणीहरु अहिले पनि सामाजिक संजालहरुमा भाइरल भइरहेका छन् ।
अर्कातर्फ अमेरिकी नागरिकहरुमा भने भारतप्रति नकारात्मकता बढ्दै गएको देखिन्छ । अहिले त्यहाँ भारतको गुप्तचर संस्था रअलाई प्रतिबन्ध लगाउन माग बढेको छ । अमेरिकामा रहेका केही संस्थाहरुले भारतविरुद्ध असन्तुष्टि जनाएका छन् ।
धार्मिक स्वतन्त्रतामा काम गरिरहेको संस्था यूएस कमिशन अन इंटरनेशनल रिलीजियस फ्रीडमले मंगलवार एक नयाँ रिपोर्ट जारी गरेको छ । जसमा भारतमाथि आरोपहरु लगाइएको छ ।
त्यसमा भनिएको छ भारतमा अल्पसंख्यकहरुका साथ निकै खराब व्यवहारहरु बढीरहेका छन् । साथै यो संस्थाले भारतको गुप्तचर एजेंसी रिसर्च एंड एनालिसिस विंग रअमाथि खालिस्तान समर्थकहरुको हत्याका लागि षडयन्त्र गरेको आरोप र आशंकाहरु गरेको छ ।
यो संस्थाले रअमाथि कडा प्रतिबन्धहरु लगाउन पनि सिफारिस गरेको छ । उसले भारतको तुलना भियतनामको कम्युनिस्ट सरकारसंग गरेको छ । संस्थाले भारत र भियतनाम दुवैलाई विशेष चिन्ताजनक देश घोषित गर्न पनि सुझाव दिएको छ ।
रिपोर्टमा भनिएको छ कि २०२४ मा धार्मिक आधारमा भारतमा अल्पसंख्यकहरुमाथि हमला बढेका छन् । यहाँ नागरिक समाज समूहहरु, धार्मिक अल्पसंख्यकहरु र पत्रकारहरुलाई निशाना बनाउनका लागि कानूनहरुको दुरुपयोग भइरहेको आरोप पनि उसले लगाएको छ ।
सन २०२३ देखि भारतमाथि अमेरिका र क्यानडामा खालिस्तान समर्थकहरुलाई निशाना बनाएको आरोप लागिरहेको छ । जो बाइडनको पालामा पनि अमेरिकाले एक पूर्व भारतीय गुप्तचर अधिकारी विकास यादवमाथि अमेरिकामा हत्याको योजना बनाएको आरोप लगाएको थियो ।
भारतले भने यस्ता आरोपहरुलाई अस्वीकार गर्दै आएको छ । उसले खालिस्तान समर्थकहरुलाई आफ्नो सुरक्षाका लागि खतरा भन्ने गरेको छ । रिपोर्टमा कयौं प्रतिबंधहरुका लागि सिफारिश गरिएको छ । यसमा भनिएको छ कि धार्मिक स्वतंत्रताका गंभीर उल्लंघनमा लिप्त भएका मानिसहरु जस्तै विकास यादव र संस्थाहरु जस्तै र माथि प्रतिबंध लगाइयोस् ।
यीनको सम्पत्तिहरु जफत गरियोस् र अमेरिका प्रवेश प्रतिबंध लगाइयोस् । रिपोर्टमा थप भनिएको छ, अमेरिकी दूतावास र वाणिज्य दूतावासहरुलाई सार्वजनिक बयानहरु र भाषणहरुमा धार्मिक स्वतंत्रताका मुद्दाहरुमा कुरा गर्नका लागि प्रोत्साहित गर्न पनि संस्थाले सुझाएको छ, ताकी भारतमाथि दबाब बढोस् ।
यसले अमेरिकी कांग्रेससंग पनि विदेशहरुमा भारतका तर्फबाट हुनेगरेका धार्मिक अल्पसंख्यकहरुलाई निशाना बनाइएका वार्षिक रिपोर्टिंग सुनिश्चित गर्न पनि भनेको छ ।
यसको अलावा भारतलाई हतियारहरुको बिक्री जस्तो एमक्यु ९ बी ड्रोन दिदा यसले धार्मिक स्वतंत्रताको उल्लंघनमा योगदान गरिरहेको वा त्यसलाई बढाउन सक्नेमा पनि समीक्षा गर्न भनेको छ ।
