विराटनगर, कात्तिक १५
विराटनगर महानगरपालिकाको न्यायिक समितिले इजालस कक्षबाट मुद्दाको सुनुवाई गर्ने प्रकृया शुरु गरेको छ । बिहिबार एक कार्यक्रमको आयोजना गरेर विराटनगर महानगरपालिका मेयर भिम पराजुली , उपमेयर एवं न्यायिक समितिका संयोजक इन्दीरा कार्की सहित समितिका सदस्यहरुले समितिका इजलासको शुभारम्भ गरेका छन् ।
न्यायिक समितिमा पर्ने मुद्धा यसअघि इजालस कक्षको अभावमा उपमेयरको कार्यकक्षबाट नै कार्यसम्पादन हुदै आएको थियो ।
महानगरले बिहिबारबाट छुटै इजालस कक्षको निर्माण गरी मुद्दाको निरुपण गर्ने कार्य शुरु गरेको उपमेयर इन्दिरा कार्कीले जानकारी दिईन् ।
उपमेयर एव समितिका संयोजक कार्कीका अनुसार न्यायिक समितिमा पर्ने मुद्दाको सुनवाई अव साप्ताहिक रुपमा इजालस कक्षबाट कार्य सम्पादन गरिने छ । उपमेयर कार्की संयोजक रहेको तीन सदस्य न्यायिक समिति इजालसमा विनोदकुमार बस्नेत र तिर्र्थेन्द्र न्यौपाने सदस्य रहेका छन् ।
संविधानको धारा २१७ बमोजिम स्थानीय तहका उपमेयरको संयोजकत्वमा छुटै न्यायिक समिति निर्माण गर्ने व्यवस्था गरिएको छ । जसमा स्थानीय स्तरमा विवाद निरूपण गर्न देवानी प्रकृतिका मुद्दाहरु सामान्यतय जग्गा जमीन, अंशबण्डा, जस्ता मुद्दाको सुनवाई गर्ने अधिकार समितिलाई प्रदान गरेको छ ।
विराटनगर महानगरपालिको न्यायिक समितिमा एक बर्षको अवधिमा ७१ वटा मुद्दा परेका छन । स्थानिय सरकार गठन भएको एक बर्षको अवधिमा परेका मुद्दामध्ये सम्बन्ध विच्छेदका २३ वटा मुद्दा परेको छन् ।
घर जग्गा मोही सम्बन्धी परेको १२ वटा मुद्दा परेका छन् । खान लगाउन पाँउ भनेर परेको मुद्दामा दुईवटा,बसोवास र क्षतीपूर्ती सहित शान्ति सुरक्षाको सम्बन्धी परेको ३४ वटा मुद्दा प।ेका छन् । हप्तामा करिव तीन वटा मुद्दा दर्ता हुने गरेको न्यायिक समितिले जनाएको छ ।
