अस्ट्रेलियामा सम्पन्न चुनावमा सत्तारुढ गठबन्धनको जित

अस्ट्रेलियामा भएको निर्वाचनमा सत्तारुढ गठबन्धनको जित भएको छ । प्रधानमन्त्री स्कट मोरिसन नेतृत्वको कन्जरभेटिभ गठबन्धनले जित हात पारेको हो । मोरिसनले निर्वाचनमा पुनः जित दिलाएकोमा सबै मतदातालाई धन्यवाद दिएका छन् । उनले आफूलाई चमत्कारमा विश्वास भएको भन्दै यो अनुमान पहिले नै गरिसकेको बताए । उनले आफू नेतृत्वको गठबन्धनले करिब बहुमत ल्याएको पनि बताए । अस्ट्रेलियाको विपक्षी दल लेबर पार्टीका नेता बिल सर्टनले आफ्नो पराजय स्वीकार गरिसकेका छन् । पार्टी नेताबाट राजीनामा दिने उनको तयारी छन । चुनावको अन्तिम परिणम घोषणा हुन भने बाँकी नै रहेको छ । तर, ७० प्रतिशतभन्दा बढी मतगणना हुँदा गठबन्धनले जित हासिल गरेको हो । बहुमतका लागि अस्ट्रेलियामा ७६ सिट आवश्यक पर्ने हुन्छ । सत्तारुढ गठबन्धन ७४ सिटमा अगाडि देखिएको छ । लेबर पार्टी ६६ सिटमा अगाडि छ ।