मोरङ ब्यापार संघको साधारणसभाःसुनसरीमा उद्योग ग्राम स्थापना गरिदिन माग

१३ जेठ, विराटनगर
प्रदेश नम्बर १ के सुनसरी जिल्लास्थित अमडुवामा रहेको साल्टट्रेडिङ कम्पनीको ६५० विगाह जग्गामा उद्योग ग्रामको विकास गरीदिन यस क्षेत्रका उद्योगी ब्यापारीले माग गरेका छन । मोरङ व्यापार संघको ६४ औं साधारणसभाका अवसरमा उद्योग सगठन मोरङका अध्यक्ष पवनकुमार सारडाले विद्युत सडक, पानी सुरक्षालगायतको ब्यवस्था गरी भौतिकवूर्वाधार सम्पन्न ग्राम स्थापना गरिदिन माग गरेका हुन । उनले लो भोल्टेजको समस्या समाधान गरी उत्पादन मूलक उद्योगमा २५ प्रतिशतसम्म विद्युत छुट दिन माग गरेका छन । यस्तै यस क्षेत्रका उद्योगीले लामो समयदेखि उठाएको बैक ब्याजदारलाई पूनरावलोकन गर्न पनि उनले माग गरेका छन । साधारणसभाको उद्घाटन गर्दे पूर्वप्रधानमन्त्री एवं नेकपाका अध्यक्ष पुष्पकमल दाहालले सरकार र निजी क्षेत्रको सहकार्य बिना मुलुकको आर्थिक विकास हुन नसक्ने बताए । दाहालले सरकार र निजी क्षेत्रको सहकार्य अहिलेको भन्दा अझै माथि उठाउनुपर्नेमा जोड दिए । उनले सरकार र निजी क्षेत्रले सहकार्यलाई अझै कसिलो र बलियो बनाउँदै मुलुकको आर्थिक विकासमा लाग्नुपर्ने बताए । प्रदेश १ को राजधानीको प्रसंग जोडदै दाहालले विराटनगर प्रदेशको स्थायी राजधानी भइसकेको बताउदै राजधानीका संरचना छरेर प्रदेशको विकास हुदैन उनले भने विराटनगरलाई केन्द्र बनाएर प्रदेशको विकासमा जाग्नुपर्नेछ । कार्यक्रममा उद्योग, वाणिज्य तथा आपूर्तिमन्त्री मातृका यादवले व्यापार घाटा कम गर्न अति आवश्यक वस्तु खरिद गरेर विलासिताका वस्तु आयातलाई नियन्त्रण गर्ने दायित्व उद्योगी व्यवसायीहरुकै भएको प्रस्ट पारे । साधारणसभामा ओमप्रकाश श्रेष्ठ, जितेन्द्र सेठिया, सुरेशकुमार नौलाखा, मोती दुगड र न्यू सृष्टि दैनिकका प्रकाशक एवम सम्पादक शंकर खरेललाई ३१ हजार राशीको पत्रकारिता पुरस्कार प्रदान गरिएको थियो ।