३१ बैशाख, जनकपुरधाम ।
प्रादेशिक अस्पताल जनकपुरका एकजना डाक्टर बलात्कारको आरोपमा पक्राउ परेका छन् ।
धनुषाको सहिदनगर नगरपालिका वडा नम्बर ७ का डा. राजेश कुमार मण्डल पक्राउ परेको धनुषाका प्रहरी प्रवक्ता प्रहरी नायव उपरीक्षक रामेश्वर कार्कीले जानकारी दिएका छन् । झापाकी एक २८ वर्षीया महिलाको उजुरीको आधारमा डा. मण्डललाई अनुसन्धानका लागि नियन्त्रणमा लिइएको उनले बताए ।
झापा घर भई जनकपुरमै काम गर्दै आएकी महिलालाई ललाई फकाई जवरजस्ती करणी गरेको प्रहरीमा उजुरी आएपछि मण्डललाई नियन्त्रणमा लिई थप अनुसन्धान थालेको धनुषा प्रहरीले जनाएको छ ।
