२७ असार, विराटनगर ।
कोरोना महामारीका कारण यसवर्ष विराटनगरको ऐतिहासिक रथयात्रा प्रभावित हुने भएको छ ।
विराटनगरमा हरेक वर्ष कृष्ण जन्मअष्टमीको भोलीपल्ट राधाकृष्ण रथयात्रा निश्किदै आएको थियो । कोरोना महामारीका कारण साउन २८ गते आयोजना हुने राधाकृष्ण रथयात्रा स्थगित भएको हो । कोरोना संक्रमण जोखिम बढेकाले यात्रा स्थगित गरेको श्रीराधाकृष्ण रथयात्रा सञ्चालक समितिका अध्यक्ष बाबुराजा ओझाले जानकारी दिए ।
शनिबार पत्रकार सम्मेलन गर्दै उनले कोरोना संक्रमणको जोखिम भएकाले सार्वजानिक रुपमा रथयात्रा नगर्ने निर्णय भएको बताए । साउन १५ देखि २७ गतेको झुलन महोत्सव र २८ साउनको राधाकृष्ण रथयात्रा सार्बजनिक रुपमा गर्न नसक्ने तर कार्यसमितिले चुनेका समिति तथा पदाधिकारी र पण्डितहरुले आन्तरिक रुपमा आयोजना गर्ने उनले बताए ।
विराटनगरको यो रथयात्रामा वार्षिक रुपमा पाँचलाख भक्तजन सहभागि हुने अनुमान छ । वि.स्. १९८८ सालदेखि सुरु भएको खटयात्रा वि.स् २०२५ सालयता रथयात्रा गरिदै आएको छ ।
