२२ चैत, विराटनगर । विराटनगरस्थित नोबेल मेडिकल कलेज टिचिङ हस्पिटलमा न्युरो साइन्स इन्स्टिच्युटअफ नोबेल (एनआइएनएस) द्वारा आयोजित एड्भान्स इन एपिलेप्सी सर्जरी विषयक चौथो सिम्पोजियम २०८२ सम्पन्न भएको छ।
यही चैत २०–२१ सम्म विज्ञ, अनुसन्धानकर्ता वा सरोकारवालाहरू भेला भई विचार, अनुसन्धान र अनुभव आदान–प्रदान गरिएको कार्यक्रम अन्नपूर्ण न्युरोलोजीकल इन्स्टिच्युट एन्ड एलाड साइन्सेस एएनआएनएएसको सहकार्यमा आयोजना गरिएको थियो।
सिम्पोजियमका कोर्स डाइरेक्टर प्रा.डा. प्रकाश काफ्ले रहेका थिए भने प्रमुख अतिथिका रुपमा प्रा.डा. बसन्त पन्त रहेको सहभागिता रहेको नोबेलले जनाएको छ ।
कार्यक्रमको अवसरमा एनआइएनएस र एएनआएनएएस बीच आपसी सहकार्यका लागि समझदारी पत्रमा हस्ताक्षर गरिएको छ। उक्त समझदारी पत्रमा नोबेल मेडिकल कलेजका तर्फबाट डा. प्रकाश काफ्ले र एएनआएनएएसका तर्फबाट डा. बसन्त पन्तले हस्ताक्षर गरेका छन् ।
सिम्पोजियममा एपिलेप्सी सर्जरीसम्बन्धी विभिन्न वैज्ञानिक प्रस्तुतीकरणहरू, केस डिस्कसन तथा क्लिनिकल मूल्याङ्क टेम्पोरल लोबेक्टॉमी तथा कर्पस क्यालोसोटोमी सम्बन्धी क्याडाभेरिक कार्यशाला समेत सञ्चालन गरिएको थियो।
कार्यक्रममा विशेषज्ञचिकित्सक, विद्यार्थी तथा स्वास्थ्यकर्मीहरूको उल्लेखनीय सहभागिता रहेको नोबेल मेडिकल कलेज टिचिङ हस्पिटलले जनाएको छ ।
