इलाम, फागुन १४
इलाममा यस वर्ष दुई लाख पचास हजारभन्दा वढिलाई हात्तीपाइले रोगविरुद्धको औषधि खुवाइने भएको छ । आज सम्ममा दुई लाख ६६ हजार ८ सय ६३ जनालाई यो रोग विरुद्धको औषधि खुवाइने भएको हो ।
जिल्ला जनस्वास्थ्य कार्यालय इलामका अनुसार जिल्लामा दुई वर्षदेखि ७० वर्ष उमेर सम्मका ब्यक्तिलाई यो औषधी खुवाउदैछ । सरकारले हात्तीपाइले रोग उन्मूलनगर्ने लक्ष्यसहित हरेक वर्ष अभियानकै रुपमा यो रोगको औषधी खुवाउँदै आएको छ ।
जनस्वास्थ्य कार्यालयका भेक्टर कन्ट्रोल सुपरभाइजर बिमल बरालका अनुसार त्यो उमेर समूहका मानिस इलाममा दुई लाख ६६ हजार भन्दा बढी छन् । इलामका १० वटा स्थानीय तहका ८१ वडामा यसवर्ष हात्तीपाइलेको औषधी खुवाउन एक हजार नौ सय ४४ वटा केन्द्र तोकिएको र ती केन्द्रहरूमा एक–एक जना स्वयम्सेवक खटाइएको छ ।
