५ चैत, रौतहट । नेपालबाट भारततर्फ तस्करी गरेर लैजाँदै गरेको २० हजार थान मास्कसहित २ जनालाई प्रहरीले पक्राउ गरेको हो ।
पक्राउ पर्नेमा पर्साको छिपहरमाई गाउँपालिका ५ घर भएका ३८ वर्षीय सुनिल जयसवाल र २६ वर्षीय अजय महतो कोइरी रहेका छन् ।काठमाडौंबाट पर्साको सीमावर्ती बजार भिस्वा जाँदै गरेको रात्रीबस पोखियामा रोकेर चेक गर्दा प्रहरीले २० हजार थान मास्कसहित जयसवाल र कोइरीलाई पक्राउ गरेको हो ।
काठमाडौंबाट मास्क खरिद गरी भारतमा लगेर बढी मूल्यमा विक्री वितरण भइरहेको भन्ने सूचनाको आधारमा प्रहरी टोलीले रात्रीबसबाट बरामद गरेको पर्साकी प्रहरी उपरीक्षक गंगा पन्तले जानकारी दिइन् ।
पक्राउ परेका दुवै जनालाई जिल्ला प्रहरी कार्यालयको हिरासतमा राखेर थप अनुसन्धान भइरहेको छ ।
