२८ असोज, विराटनगर ।
आउदै गरेको बडा दशैंलाई अवसर पारेर विराटनगरस्थित सेन्ट्रल बजारले उपभोक्ताका लागि विभिन्न छुटसहितका अफरहरु ल्याएको छ । स्थापनाकालदेखि नै विराटनगर र आसपासका क्षेत्रका उपभोक्ताको रोजाईमा पर्न सफल सेन्ट्रल बजारले विगतमा झैं यस वर्ष पनि दशैलक्षित विभिन्न अफर तथा उपहारहरु राखेको जनाएको छ ।
कोरोना कहरका बीच स्वास्थ्य सुरक्षाका सबै सावधानी अपनाएर बजार संचालनमा ल्याएको सेन्ट्रल मलले दशैंमा उपभोक्तालाई विशेष छुट ल्याएको हो । कात्र्तिक १ गतेदेखि मंसीर १० गतेसम्मका लागि आयोजना गरिएको छुट विशेष कार्यक्रम अन्तर्गत ९९९ रुपैयाँ माथिको खाद्यान खरिदमा चिनी, तेल, भुजिया लगायतमा आकर्षक छुट दिने सेन्ट्रल बजारले बताएको छ ।
त्यस्तै लत्ताकपडा, जुत्ता, ब्याग, घडीलगायतको सेक्सनमा १० प्रतिशत क्यास भौचर, खेलौनामा पनि १० प्रतिशत छुटको ब्यवस्था गरिएको सेन्ट्रल बजारका प्रतिनिधी गिरिश राठीले बताए । त्यस्तै ध्यू, दाल, चना लगायतमा पनि बाहिरभन्दा सस्तो मूल्यमा उपभोक्ताले खरिद गर्न पाउने छन् ।
कोरोनाको असर र नजिकिँदो चाडबाडले महंगिएको तरकारी तथा फलफुलमा पनि बाहिरभन्दा ५ प्रतिशत छुटको ब्यवस्था गरिएको राठीले बताए । विशेष अफरमा इलेक्ट्रिकल तथा घरायसी सामानहरुमा समेत विशेष छुट दिइएको उनले बताए बताए ।
