३ मंसिर, काठमाडौं । नेपाल कै चर्चित नेपमेड्स अनलाइन फार्मेसी विराटनगरमा समेत संचालनमा आएपछि यसप्रति उपभोक्ताको चासो बढेको छ । घरबाटै औषधि लगायतका सामग्री अर्डर गर्नेको संख्या छोटो समयमा नै बढेको संचालकहरुले बताएका छन् ।
कोरोना भाइरसको संक्रमणको त्रास साथै सहज तरीकाले औषधि लगायतको सामग्री प्रबिधिको प्रयोगबाट उपलब्ध भएपछि अनलाइन ग्राहकको संख्या बढेको संचालक नागार्जुन श्रेष्ठले बताए ।
दैनिक बिराटनगर लगायत इटहरी , रंगेली , इनरुवासम्म अनलाइन मार्फतबाट औषधिको अर्डर गर्नेको संख्या बढ्दै गएको श्रेष्ठले बताए । बिराट मेड्स र आरा गु्रपको साझेदारीमा बिराटनगर ९ स्थित ग्रीनक्रस असपतालसंगै शो रुम सहित “नेपमेड्स“ संचालनमा ल्याइएको छ ।
नेपमेड्सबाट अनलाइन औषधि अर्डर गरेर घर मै ल्याइदिने सेवा सुचारु भएपछि समयको बचत भएको उपभोक्ताहरुले बताएका छन् ।
चिकित्सकद्वारा दिइएको औषधिको प्रेस्किप्सनलाई फोटो खिचेर नेपमेड्सको मोबाइल एप्समार्फत पठाएपछि घरमा नै औषधि पुर्याउने सुबिधा नेपमेड्सले दिएको छ ।
यस्तै फेसबुक, इन्स्टाग्राम , टुईटर जस्ता सामाजिक संजालको प्रयोगबाट पनि नेपमेड्सको आधिकारीक पेजमा गएर सजिलै औषधि तथा औषधी सामाम्रीहरु अर्डर गर्न सकिने अर्का संचालक बिबेक दाहालले जानकारी दिए ।
१० हजार भन्दा बढि औषधि तथा औषधि जन्य सामाग्रीहरुका साथै ४ सय बढी औषधि उत्पादक लिएर नेपमेड्स नेपाली बजारमा आएको हो । उपभोक्ताले आफ्नो मोबाइलको एप स्टोर तथा प्ले स्टोरबाट सजिलै नेपमेड्स डाउनलोड गरेर प्रयोग गर्न सक्नेछन् ।
नेपमेड्सले उपभोक्तालाई औषधि खरिद गर्दा अर्डरमा १० प्रतिशतको तथा अन्य स्वास्थ्य सामग्रीहरुमा ३ सय ५५ रुपैयाँ सम्मको छुट प्रदान गर्दै आएको छ ।
