१९ मंसिर, जनकपुर । प्रदेश २ का मुख्यमन्त्री लालबाबु राउतको फेसबुक अकाउन्ट ह्याक भएको छ ।
शुक्रबार बिहान मुख्यमन्त्री राउतको फेसबुक ह्याक भएको हो । मुख्यमन्त्री राउतको फेसबुक पेजको प्रोफाइल फोटोमा एक जना युवती र कभर फोटोमा जंगल र तालको तस्बिर राखिएको छ ।
’मुख्यमन्त्रीज्यूको फेसबुकमा बिहान-बिहानै अनावश्यक कुराहरू पोस्ट भएको पायौं,’ राउतका प्रेस संयोजक आतिश मिश्रले भने, ’ह्याक कहाँबाट र कसरी भएको हो भन्नेबारे छानबिन हुँदैछ।’
