२३ मंसिर, विराटनगर ।
विवेकशील नेपाली दल र साझा पार्टीबीच बुधबार एकता हुने भएको छ ।
दुई पार्टीबीचको एकता घोषणाको पूर्वसन्ध्यामा साझा पार्टीका संयोजक रवीन्द्र मिश्रले आफूहरुबाट विगतमा कमजोरी भएको भन्दै माफी मागेका छन् । उनले फेसबुकमा लेखेका छन्, हामी एक हुँदैछौँ।
विगतका कमजोरीप्रति क्षमायाचना गर्दछौँ। तपाईंको साथ र सहयोगले विवेकशील साझा पार्टीुलाई देशको वास्तविक रूपान्तरणको संवाहक बनाउँछौँ भन्नेमा हामी विश्वस्त छौँ।
त्यस्तै उनले आफूहरु अस्तित्वमा रहन मात्र नभएर नेतृत्वुमा पुगेर यो देशमा सुशासन, सम्वृद्धि र स्वाभिमान स्थापित गर्न जन्मिएको पार्टी भएको पनि बताएका छन् । यसअघि विवेकशील र साझा पार्टी एकीकरणमार्फत एक भएका थिए ।
दुई पार्टीबीच एकीकरण गर्ने विषयमा विवेकशीलमा मतदान भएको थियो भने साझाले केन्द्रीय कमिटीको बैठकबाट अनुमोदन गराएको थियो । तर पछि दुवै अलग्गीएका थिए । अहिले पनि विवेकशील नेपाली दलकी केन्द्रीय उपाध्यक्षसहित १३ नेता भने साझा पार्टीसँगको एकतामा सहभागी नहुने भएका छन् ।
पार्टीमा मतदानपछि बहुमत सदस्यहरूले रवीन्द्र मिश्र नेतृत्वको साझा पार्टीसँग सहभागी हुने पक्षमा मतदान गरेका थिए । भ्रष्टाचारविरूद्धको अन्तर्राष्ट्रिय दिवसका अवसरमा भोली (बुधबार) दुई पार्टीबीच एकीकरण हुने लागेको साझा पार्टीका प्रवक्ता शरदराज पाठकले जानकारी दिए ।
