५ पुस, काठमाडौं ।
मन्त्रिपरिषद्को आकस्मिक बैठक बालुवाटारमा शुरु भएको छ।
प्रधानमन्त्री केपी शर्मा ओलीले मन्त्रीहरुलाई बिहान पौने १० मा बैठकमा उपस्थित हुन निर्देशन दिएका थिए। बैठक शुरु भइसकेको प्रधानमन्त्रीका सञ्चार विज्ञ रामशरण बजगाईले बताए।
पछिल्लो पटक सरकारले ल्याएको संवैधानिक परिषद्सम्बन्धी अध्यादेश फिर्ताबारे मन्त्रिपरिषद्मा छलफल हुने बताइएको छ। सरकारले मंसिर ३० गते ल्याएको अध्यादेश चौतर्फी विरोधपछि पुस १ गते नै फिर्ता लिने सहमतिमा प्रधानमन्त्री ओली पुगेका थिए।
तर औपचारिक रुपमा यस अध्यादेश फिर्ता भएको छैन।
