३ माघ, विराटनगर ।
असंवैधानिकरुपमा प्रतिनिधिसभा विघटन गरेको विरोधमा नेपाली कांग्रेसले आज देशभरका सबै स्थानीय तहमा विरोध प्रदर्शन गर्दैछ।
देशभरका ७ सय ५३ स्थानीय तहमा कांग्रेसले आज प्रदर्शन गर्न लागेको हो। यसअघि शुक्रबार कांग्रेस सभापति शेरबहादुर देउवाले सरकारविरुद्धको प्रदर्शनमा सहभागी हुन सबै नेता कार्यकर्तालाई अपिल गरेका थिए।
गत पुस ५ गते प्रधानमन्त्री केपी शर्मा ओलीको सिफारिसमा राष्ट्पति विद्यादेवी भण्डारीले प्रतिनिधिसभा विघटन गरेकी थिइन्। प्रतिनिधिसभा भंग गर्न कदमलाई असंवैधानिक भनेको कांग्रेसले त्यसविरुद्ध चरणवद्ध आन्दोलन गरिरहेको छ।
संसद विघटनको मुद्दा हाल सर्वोच्च अदालतमा विचाराधिन छ।
