१८ फागुन, विराटनगर ।
सामान्य ह्विलचेयर मार्फत मेची काली यात्रामा निस्किएका मेरुदण्ड पक्षघात भएका सिन्धुपाल्चोकका रामवहादुर तामांगलाई इटहरीमा स्वागत गरिएको छ ।
इटहरीका नगरप्रमुख द्धारिकलाल चौधरीले स्वागत गरेका हुन् । अपाङ्गताभएका ब्यक्तिहरुले स्वतन्त्र,स्वाभिमानी र स्वावलम्वी जीवन जिउन पाउनुपर्ने अधिकारको वारेमा चेतना फैलाउन रामबहादुर तामाङ ह्विलचेयरमार्फत मेची काली यात्रामा निस्किएका हुन् ।
उनले सामान्य ह्विलचेयरमार्फत लामो यात्राको विश्व रेकर्ड राख्न समेत आफूले यो यात्रा सुरु गरेको वताए । तामाङले यसअघि नमोवुद्धदेखि लुम्विनी ३ सय ६६ किलोमिटर र लुम्विनी देखि वोधगया सम्म ५ सय ५३ किलोमिटर ह्विलचेयर यात्रा गरिसकेका छन् ।
उनलाई मानबहादुर तामाडले साइकल मार्फत साथ दिएका छन् । इटहरीका नगरप्रमुख चौधरीले अभियान सफलताको कामना गरे । उनीहरुले काकडभिट्टाबाट गत शनिवार यात्रा सुरु गरेका थिए ।
