४ चैत, बाँके । बाँकेकी १६ वर्षीया एक किशोरीलाई जबरजस्ती होटलमा लगेर बलात्कारको प्रयास गर्ने युवक पक्राउ परेका छन्।
बाँकेको नेपालगञ्ज उपमहानगरपालिका वडा नं. ४ घरबारी टोलका २० वर्षीय जुनेद हलवाईलाई प्रहरीले घटनाको तीन महिनापछि मंगलबार पक्राउ गरेको हो।
बुधबार पत्रकार सम्मेलन गरी जिल्ला प्रहरी कार्यालय बाँकेले अभियुक्त हलवाईलाई सार्वजनिक गरेको हो।
पत्रकार सम्मेलनमा जिल्ला प्रहरी प्रमुख एसपी ओम राना अनुसार माघ १६ गते दिउँसो साढे २ बजेतिर हलवाईले नेपालगञ्ज ४ बसपार्कस्थित औंसे विष्टले सञ्चालन गरेको अछामे मेचीकाली होटलको २०२ नम्बर कोठामा लगेर किशोरीलाई जबरजस्ती बलात्कारको प्रयास गरेको आरोप छ।
विद्यालयबाट फर्किंदै गरेकी ती किशोरीलाई हलवाईले जबरजस्ती हात समातेर तान्दै होटलमा पु¥याई जबरजस्ती प्रयास गरेको र उनले प्रतिवाद गर्न खोजेपछि उनकै सल (चुन्नी)ले घाँटीमा कसेर बेहोस बनाई भागेको युवकको बयान उद्धृत गर्दै एसपी रानाले बताए।
होटलबाट हलवाई निस्केपछि होटल सञ्चालकले ती किशोरीलाई बेहोस अवस्थामा देखेपछि तत्कालै प्रहरीलाई खबर गरी उद्दार गरेर हस्पिटल पु¥याएका थिए।
घटनापछि फरार रहँदै आएका हलवाईलाई मंगलबार राति साढे ११ बजेतिर नेपालगञ्ज १५ जमुनाहा नाकाबाट पक्राउ गरिएको प्रहरीले जनाएको छ।
हलवाईलाई भारतीय प्रहरीको सहयोगमा बाँके जिल्लाबाट खटिएको प्रहरी टोलीले पक्राउ गरेको प्रहरीले बताएको छ।
