२७ जेठ, काठमाडौं ।
गण्डकी प्रदेशका युवा तथा खेलकुदमन्त्री राजीव गुरुङ उर्फ दीपक मनाङे प्रदेशसभा बैठकमा अनुपस्थित भएका छन् ।
बिहिबार प्रदेशसभाको आजको बैठकमा उनी आएका छैनन् । मनाङे आज बिहानैदेखि मोबाइल स्वीच अफ गरी सम्पर्कविहीन बनेका छन् । विपक्षी गठबन्धनलाई साथ दिने भनिएका मनाङे सम्पर्कविहीन बनेका हुन् ।
आज मुख्यमन्त्री पृथ्वी सुब्बा गुरुङले विश्वासको मत लिने कार्यसूची छ । संविधानको धारा १ सय ६८ को उपधारा ३ बमोजिम मुख्यमन्त्री नियुक्त भएका पृथ्वीसुब्बा गुरुङले ३० दिनभित्र विश्वासको मत लिनुपर्ने संवैधानिक व्यवस्थाअनुसार विश्वासको मत लिन लागेका हुन् ।
गुरुङले विश्वासको मत पाउँ भन्दै वक्तव्यसहित प्रस्ताव पेस गरिसकेका छन् ।
