१३ असार, काठमाडौं ।
आइतबार प्रतिनिधिसभा विघटनसम्बन्धी रिटको सुनुवाइमा बहस गर्दै वरिष्ठ अधिवक्त सतीशकृष्ण खरेलले राष्ट्रपति विद्यादेवी भण्डारी महाभारतमा पुत्रको प्रेममा अन्धो भएका धृतराष्ट्र जस्तै भएको बताएका छन् ।
देउवालाई प्रधानमन्त्री बनाउनका लागि गरिएको हस्ताक्षर मान्य या अमान्य प्रमाणित गर्ने अधिकार राष्ट्रपतिलाई नभइ संसदलाई भएको उनको तर्क थियो ।
उनले देउवाको पक्षमा सांसदले हस्ताक्षर लिएर जाँदा पनि स्वीकार नगर्ने राष्ट्रपतिले प्रधानमन्त्रीले भन्न नपाइ पूरा गर्ने गरेक बताए । देउवाको पक्षमा सांसदले हस्ताक्षर लिएर जाँदा पनि स्वीकार नगर्ने, केपी ओलीले भन्न पाएको छैन पूरा गरिहाल्नी ।
तिमी चिताउ म पुर्याउँछु भनेजस्तो, खरेलले भने, महाभारतमा धृतराष्ट्र पुत्रको प्रेममा अन्धो भएजस्तै हाम्रो राष्ट्रपति हुनुभयो । उनले प्रतिनिधिसभाका सदस्यले लिखित रूपमा समर्थन छ भनीसकेपछि विश्वासको मत पाउने आधार पुग्ने तर्क गरे ।
बहुमत सांसदले देउवालाई प्रधानमन्त्री बनाउनु पर्छ भनेर हस्ताक्षर दिएका छन् । ७६(५) बमोजिम विश्वासको मत पाउनु पर्छ भन्ने आधार पेश गर्ने हो, खरेलले भने, लिखित रूपमा मेरो समर्थन छ शेरबाहदुर देउवालाई भनिसकेपछि त आधार त पुग्यो नी ।
ह्वीप नै जारी नभएको उल्लेख गर्दै खरेलले अहिले बहुमत सांसदले देउवाको पक्षमा हस्ताक्षर बुझाएको र यसको परीक्षण संसदमा हुने बताए । ह्वीप नै जारी भएको छैन । न ह्वीपको आधारमा भोटिङ भएको छ ।
अहिले त जम्मा बहुमत सांसदले देउवाको पक्षमा हस्ताक्षर बुझाएका हुन्, खरेलले भने, यसको परीक्षण संसदमा हुन्छ ।
खरेलले धारा ७६ को उपधारा ५ दलको नभइ सांसदको अधिकार भएकाले देउवाको दाबी भ्यालिड भएको बताए । ७६ (५) त दलको नभइ सांसदको अधिकार हो । यसकारण देउवाको दाबी भ्यालिड छ ।
दलले ह्वीप जारी गरेको अवस्थमा ह्वीपविपरीत गएर भोट हालेपछि मात्र भोट शून्य हुने हो । बहुदलीय व्यवस्था भन्दैमा सांसद पार्टीको बँधुवा मजदुर हुँदैन ।
खरेलले संविधानमा राष्ट्रपतिलाई लागेमा, ठानेमा नलेखिएको उल्लेख गरे । ७६(५) मा राष्ट्रपतिलाई लागेमा, ठानेमा भन्ने त लेखिएको छैन । त्यहाँ त विश्वासको मत प्राप्त गर्न सक्ने आधार प्रस्तुत गरेमा प्रधानमन्त्री नियुक्त गर्ने भनिएको छ, खरेलले भने, त्यो उपधाराले बाध्यकारी रूपमा प्रधानमन्त्री बनाऊ भनेको हो ।
एक पटक उहाँले (राष्ट्रपतिले) संवैधानिक दायरा नघिसक्नु भएको छ । यो दोश्रो पटक हो । राष्ट्रपति र प्रधानमन्त्रीले आफूलाई सुधार्नु पर्छ ।
