२१ असार, काठमाडौँ ।
प्रतिनिधिसभा विघटन मुद्दामा एमिकस क्युरी वरिष्ठ अधिवक्ता कोमलप्रसाद घिमिरेले वैकल्पिक सरकारका लागि मार्ग प्रशस्त गरेको भन्दै प्रधानमन्त्रीमा केपी शर्मा ओलीले नै दावी गर्नु अनुचित भएको बताएका छन् ।
विघटनसम्बन्धी मुद्दाको सुनुवाइ सकिनै लाग्दा सोमबार एमीकस क्यूरीकातर्फबाट राय दिँदै घिमिरेले धारा ७६ (२) अनुसारको प्रधानमन्त्री हुँदा विश्वासको मत नपाएको र धारा ७६ (३) अनुसारको प्रधानमन्त्री हुँदा पनि विश्वासको मत पाउन सक्दिन भनेकाले ओलीले धारा ७६ (५) मा दावी गर्नु नै संविधानसम्मत नभएको तर्क राखेका हुन् ।
