२५ असार, काठमाडौं ।
एमाले कार्यदलको बैठकबाट शंकर पोखरेलपछि रघुजी पन्त पनि बाहिरिएका छन् ।
सिंहदरबारमा जारी कार्यदलको बैठकबाट बाहिरिएका पन्तले सहमतिका लागि तयार गरिएको मस्यौदामाथि कार्यदलमा छलफल भइरहेको बताएका छन् ।
‘एकताका लागि तयार पारिएको मस्यौदामा छलफल भयो । हामीलाई लागेका कुराहरू राख्यौँ । हाम्रा सुझावलाई समेटेर सम्भव भएसम्म आजै त्यसलाई पूर्णता दिइने तयारी भएको छ ।
बैठक चलिरहेको छ, फाइनल रूप दिने प्रयास भइरहेको छ ।’ पन्तले कार्यदलको बैठकबाट बाहिरिने क्रममा सञ्चारकर्मीलाई छोटो प्रतिक्रिया दिँदै भने ।
यसअघि बैठकबाट बाहिरिएका पोखरेलले पार्टी एकता आजभोलि नै टुंग्याउने बताएका थिए ।
