३१ असार, काठमाडौं ।
डोटीको खुटिया खोलामा बाढीले सतर्कता तह पार गरेको छ ।
खुटिया खोला मुदिभारमा आकस्मिक बहाव भइ जलसतहले खतरा तह पार गरेकाले तटीय क्षेत्रहरूमा दिउँसोसम्म सतर्कता अपनाउन बाढी सूचना केन्द्रले आग्रह गरेको छ । यस्तै, दाङको देउखुरी क्षेत्रमा भारी वर्षा भइरहेको छ ।
देउखुरी क्षेत्रमा पछिल्लो तीन घण्टामा भारी वर्षा भएको र स–साना खोलाहरूमा समेत आकस्मिक बहाव हुने सम्भावना भएकाले तटीय क्षेत्र तथा डुबान भइरहने क्षेत्रहरूमा दिउँसोसम्मै सतर्कता अपनाउन केन्द्रले आग्रह गरेको छ।
