१ साउन, काठमाडौं ।
पूर्वप्रधानमन्त्री तथा जनता समाजवादी पार्टी (जसपा) संघीय परिषद् अध्यक्ष डा. बाबुराम भट्टराईले मध्यरातमा लुम्बिनी प्रदेशसभा अधिवेशन अन्त्य भएपछि त्यो सरकार अन्त्य हुनेतर्फ गएको संकेत गरेका छन् ।
अधिवेशन अन्त्य गर्ने सो कदमलाई ओलीप्रवृत्तिको संकेत दिँदै भट्टराईले केहिदिन मात्र तिनिहरुको राज सकिने बताए ।
बजेट पारित हुन नसकेपछि मन्त्रिपरिषदको सिफारिसमा प्रदेश प्रमुख धर्मनाथ यादवले बिहीबार मध्यरातिदेखि प्रदेशसभा अधिवेशन अन्त्य गरेका थिए ।
‘खसीको टाउको छिनाली सकेपछि पनि पुच्छर केही बेर फिटीफिटी गर्छ ! ओलीको बहिर्गमनपछिको सडक तमासादेखि लुम्बिनी प्रदेशको जात्रासम्म हेर्दा त्यही पुष्टी हुन्छ ! आफु कुर्सीमा नरहे आकाशै खस्छ भन्ने ओलीप्रवृत्ति हिट्लरी नाजीवाद÷फासीवादसंग मिल्दोजुल्दो छ,जसले अन्त्यमा सपरिवार आत्महत्या गरेथ्यो !’ भट्टराईले ट्विट गर्दै भने ।
