३ साउन, काठमाडौं ।
जनता समाजवादी पार्टी (जसपा) नेपालको आधिकारिकता विषयमा निर्वाचन आयोगको इजलासमा आजदेखि सुनुवाई हुँदैछ ।
पार्टीको आधिकारिकता विवाद निरुपणका लागि राजनीतिक दलसम्बन्धि ऐनको दफा ४३–४४ अन्तर्गत सुनुवाइ हुन लागेको हो । आयोगले सुनुवाइका लागि प्रमुख निर्वाचन आयुक्त दिनेशकुमार थपलियाको नेतृत्वमा आयुक्तहरुको ५ सदस्यीय इजलास गठन गरेको छ ।
ऐनका अनुसार दुवै पक्षले आफ्नो आधिकारीकता दावी गर्न कानून व्यवसायीलाई इजलासमा बहस गराउन सक्नेछन् ।
आयोगले यसअघि दुवै पक्षलाई मेलमिलापका लागि बोलाए पनि उनीहरु राजी नभएपछि इजलासबाट निरुपण प्रक्रिया अघि बढाएको हो ।
यादव पक्ष केन्द्रीय कार्यकारिणी समिति र संसदीय दलमा बहुमतमा देखिएको छ ।
