१३ साउन, काठमाडौं।
राष्ट्रपति विद्यादेवी भण्डारीले दुई नयाँ प्रदेश प्रमुख नियुक्त गरेकी छन् ।
मन्त्रिपरिषद्को सिफारिसमा राष्ट्रपतिले मंगलबार साँझ गण्डकी र लुम्बिनी प्रदेशका प्रदेश प्रमुखलाई पदमुक्त गर्दै गण्डकीमा पृथ्वीमान गुरुङ र लुम्बिनीमा अमिक शेरचनलाई नियुक्त गरेकी हुन् ।
गण्डकीका सीताकुमारी पौडेल र लुम्बिनीका धर्मनाथ यादव भने पदमुक्त भएका छन्। मंगलबार बसेको मन्त्रिपरिषद् बैठकले पृथ्वीमान गुरुङ र अमिक शेरचनलाई प्रदेश प्रमुखमा नियुक्त गर्न सिफारिस गरेको थियो ।
