१३ साउन, एजेन्सी ।
अफगानिस्तानमा हिंसात्मक गतिबिधिलाई जोड दिएको तालिबानको एक समूहले चिनियाँ विदेश मन्त्री वाङ्ग यीसँग भेटवार्ता गरेको छ । बुधबार प्रमुख वार्ताकार अब्दुल घानी बरादर नेतृत्वको तालिबान समूहले विदेशमन्त्री वाङ्ग यीसँग भेटवार्ता गरेको तालिबानका प्रवक्ता मोहम्मद नईमले बताएका छन् ।
बैठकमा अफगानिस्तानको शान्ती प्रकृया र वर्तमान अवस्थाबारे छलफल भएको समाचार संस्था एएनआईले उल्लेख गरेको छ । तालिबानले भेट लगत्तै एक पछि अर्को ट्विट गर्दै अफगान भूमि कुनै पनि विदेशी राष्ट्रको सुरक्षा बिपरित प्रयोग नहुने आश्वासन दिएको छ ।
चीनले भने अफगानलाई सहयोग गरिरहने बताउँदै उसको आन्तरिक मामिलामा कुनै हस्तक्षेप नगरी समस्या समाधान र शान्तीका लागि प्रयत्वनशील रहने बताएको छ ।
