२६ साउन, काठमाडौं ।
प्रमुख प्रतिपक्षी दल नेकपा (एमाले)का अध्यक्ष केपी शर्मा ओलीले आज प्रतिनिधि सभामा सम्बोधन गर्ने भएका छन् ।
प्रतिनिधिसभा बैठक दिउँसो एक बजे बस्दैछ । प्रतिनिधिसभा पुनर्स्थापनापछि अध्यक्ष ओली संसदमा बोलेका छैनन् ।
साउन ३ गते प्रधानमन्त्री शेरबहादुर देउवाले विश्वासको मत लिंदा एमालेबाट प्रदीप ज्ञवालीले बोलेका थिए । तर आज ओलीले सम्बोधन गर्ने कार्यसूची बनेको छ ।
आफ्नो सम्बोधनमा ओलीले संयुक्त सरकारको साझा न्यूनतम कार्यक्रममाथि टिप्पणी र सरकारका गतिविधिका विषयमा पार्टीका भनाइहरु राख्ने एमालेका मुख्य सचेतक विशाल भट्टराईले जानकारी दिए।
