३० साउन, काठमाडौं ।
खेल जीवनबाट संन्यास लिएका नेपाली क्रिकेट टिमका पूर्व कप्तान पारस खड्कालाई प्रधानमन्त्री शेरबहादुर देउवाले शुभकामना दिएका छन् ।
खड्कालाई भेटेपछि प्रधानमन्त्रीले ट्विटमा लेखेका छन्, ‘दुई दशकमा नेपाली क्रिकेटले हासिल गरेका हरेक ती सफलता, नेपालीले कहिल्यै नभुल्ने ती रोमाञ्चक जित र हामीलाई क्रिकेटमा झन् ठूलो सपना देख्न प्रेरित गरेकामा पारस खड्कालाई धन्यवाद। नेपाल र नेपालीको शिर उँचो बनाउन जिन्दगीको दोस्रो इनिङमा पनि सफलता मिलोस्। सरकारको साथ र सहयोग सधैं रहने छ ।’
