१ भदौ, काठमाडौं ।
नेकपा एमालेले सरकारले दल विभाजन सम्बन्धी अध्यादेश ल्याए प्रतिवाद गर्ने चेतावनी दिएको छ ।
आज बसेको पार्टी स्थायी कमिटीको बैठकले हठात् संसद अधिवेशन अन्त्य गरेर दल विभाजन सम्बन्धी अध्यादेश ल्याउन खोजेको भन्दै विरोध गरेको हाे।
बैठकपछि प्रवक्ता प्रदीप ज्ञवालीले प्रमुख प्रतिपक्षी दल एमालेभित्रका ‘अराजक र पदलोलुपलाई पार्टी विभाजनका लागि बैधानिकता तयार गर्ने षडयन्त्र’ सरकारले गरिरहेको आरोप लगाए।
उनले पार्टी विभाजन गर्ने षडयन्त्रविरुद्ध दृढतापूर्वक उभिन सम्पूर्ण पार्टी पंक्तिलाई अपिल गर्ने निर्णय बैठकले गरेको जानकारीसमेत दिए।
