३ भदाै, काठमाडौं ।
नेकपा (एमाले) विभाजन भएपछि नेताद्वय सुवास नेम्वाङ र भीम रावलबीच बिहीबार छलफल भएको छ। सिंहदरबारमा भएको छलफल तत्कालीन एकता कार्यदलले गरेको १० बुँदे सहमति कार्यान्वयनमा केन्द्रित रहेको जनाइएकाे छ ।
त्यस्तै पार्टी विभाजनपछिको अवस्था तथा आगामी कदमबारे समेत छलफल भएको छ। भेटमा एमाले नेता सुरेन्द्र पाण्डे पनि सहभागी थिए।
रावल र पाण्डे यसअघि माधवकुमार नेपाल समूहमा रहेपनि पार्टी विभाजनपछि कतै खुलेका छैनन्।
