५ भदौ, विराटनगर ।
दन्त चिकित्सकहरुको छाता संगठन नेपाल दन्त चिकित्सक संघ मोरङ्गको अध्यक्षमा डा. प्रेक्षा दलि विजयी भएकी छन् । नयाँ नेतृत्व चयनका लागि शनिबार भएको निर्वाचनबाट उनी अध्यक्षमा चयन भएकी हुन् ।
कुल ४८ मत खसेकोमा अध्यक्ष पदका उम्मेद्वार डा. प्रेक्षा दलि र डा. नुतन नौलाखालाई बराबारी मत प्राप्त भएको थियो । बराबर मत प्राप्त भएपछि गोला प्रथाबाट अन्तिम टुङ्गो लगाईएको थियो ।
संघको मोरङ्ग शाखाको निर्वाचनमा अध्यक्ष बाहेकको पदमा भने सर्वसम्मत चयन भएको छ ।संघको उपाध्यक्षमा डा. विवेक सिंह, महासचिवमा डा.मीरा आचार्य, कोषाध्यक्षमा डा. पवन मेहता, सहसचिवमा डा. विशाल राज जोशी चयन भएका छन् । त्यस्तै सदस्यहरुमा डा. प्राची भगत, डा.निलेश देव, डा. अमितकुमार सिंह, डा.आदित्य साह सर्वसम्मत चयन भएको प्रमुख निर्वाचन अधिकृत डा. धिरेन्द्र गिरीले जानकारी दिए ।
