६ भदौ, काठमाडौँ ।
साविकको विजेता इन्टर मिलानले नयाँ सिजनको इटालियन सिरी ‘ए’ मा विजयी सुरुवात गरेको छ । गएराति भएको खेलमा इन्टरले जिनोआमाथि ४–० को जित निकालेको हो ।
घरेलु मैदानमा खेलको छैटौ मिनेटमा मिलान स्क्रिनिएरको गोलबाट इन्टरले अग्रता लिएको थियो । १४औं मिनेटमा हकान चलहानोग्लुले गोल गर्दै इन्टरको अग्रता दोब्बर पारे ।
७४औं मिनेटमा सब्सिच्युट आर्टुरो भिडालले गोल गर्दै इन्टरलाई ३–० को अग्रता दिलाए । त्यसपछि ८७औँ मिनेटमा इडेन जेकोले गोल गर्दै इन्टरलाई ४–० को सानदार जित दिलाए ।
जितसँगै इन्टरले पहिलो खेलमै महत्वपूर्ण ३ अंक जोडेको छ । जिनोआले भने हारबाट सिजनको सुरुवात गरेको छ ।
