७ भदाै, काठमाडौं।
लुम्बिनी प्रदेशका मुख्यमन्त्री कुलप्रसाद केसी ‘सोनाम’ले विश्वासको मत लिँदा प्रमुख प्रतिपक्ष दल एमाले संसदमा उपस्थित नभएको प्रति चित्त दुखाएका छन्। सदनमा विश्वासको मत माग्ने प्रस्ताव पेस गर्दै मुख्यमन्त्री केसीले एमालेले संस्कार नदेखाएको टिप्पणी गरे।
केसीले विश्वासको मत लिने क्रममा एमालेका सांसदले सदन बहिष्कार गरेका छन्। उनले भने ‘यति पुरानो पार्टी राम्रै संस्कार होला भन्ने थियो। तर, त्यसो भएन। शुभेच्छा प्रदान होला भन्ने थियो ।’
सत्ताबाट बर्हिगमन भएको आक्रोश भए पनि संसदमा एमालेको उपस्थिति हुनुपर्ने उनले विचार राखे। उनले आपसी संवादको संस्कार कायम गरी सहकार्य र सहअस्तित्वका लागि आफू प्रतिवद्ध रहेको बताए।
